قومي اسيمبلي جي ميمبر اعجاز الحق جو ايم ڪيو ايم جي قائد جناب الطاف حسين سان ٽيليفون تي رابطو.
انهن قومي اسيمبلي جي حق پرست ميمبرن جون اسٽعيفائون واپس وٺڻ جي فيصلي تي انهن جو شڪريو ادا ڪيو.
ملڪ و قوم جي لاءِ اوهان جون خدمتون قابل تعريف آهن ۽ اوهان جهڙن ليڊرن جي پاڪستان کي سخت ضرورت آهي. اعجاز الحق.
ڏينهن رات جاڳي ڪري سياسي بحران کي افهام و تفهيم سان حل ڪرڻ جي ڪوشش ڪندو رهيو آهيان.قائد تحريڪ جناب الطاف حسين.
لنڊن؛7 سيپٽمبر؛2014
مسلم ليگ ضياء جي سربراھ ۽ قومي اسيمبلي جي ميمبر اعجاز الحق ايم ڪيو ايم جي قائد جناب الطاف حسين سان ٽيليفون تي ڳالھ ٻولھ ڪئي ۽ قومي اسيمبلي جي ميمبرن جون اسٽعيفائون واپس وٺڻ جي فيصلي تي انهن جو شڪريو ادا ڪيو.جناب الطاف حسين سان ڳالھ ٻولھ ڪندي اعجاز الحق چيو ته قومي اسيمبلي جي ميمبرن جون اسٽعيفائون واپس وٺي ڪري ايم ڪيو ايم پارليامينٽ ۽ جمهوريت جي لاءِ سٺو قدم کنيو آهي جنهن تي مان ذاتي طور تي تمام گهڻو خوش آهيان ۽ اوهان جو شڪرگذار آهيان.انهن فرمايو ته ملڪ و قوم جي لاءِ اوهان جون خدمتون قابل تعريف آهن ۽ اوهان جهڙن ليڊرن جي پاڪستان کي سخت ضرورت آهي. انهن سابق حق پرست سينيٽر ۽ معروف عالم دين علامه عباس ڪميلي جي صاحبزادي علي اڪبر ڪميلي جي قتل جي سخت ترين لفظن ۾ مذمت ڪئي ۽ جناب الطاف حسين سميت تمام سوگوارن سان دلي تعزيت ۽ همدردي جو اظهار ڪيو. جناب الطاف حسين يڪجهتي جو اظهار ڪرڻ تي اعجاز الحق جو شڪريو ادا ڪندي چيو ته علي اڪبر ڪميلي جو وحشياڻو قتل هڪ وڏو سانحو آهي جنهن جي جيتري به مذمت ڪئي وڃي اها گهٽ آهي.انهن فرمايو ته مان گذريل ڪيترن ئي هفتن کان ڏينهن رات جاڳي ڪري سياسي بحران کي افهام و تفهيم سان حل ڪرڻ جي ڪوشش ڪندو رهيو آهيان، هن وقت پاڪ فوج تاريخ جي مشڪل ترين جنگ ۾ مصروف آهي ۽ ملڪ جي ڪيترن حصن ۾ طوفاني برساتن ۽ سيلابي وهڪرن جي ڪري عوام سخت مشڪلاتن جو شڪار آهن. وقت جو تقاضا آهي ته تمام سياسي ۽ مذهبي جماعتون اتحاد ۽ يڪجهتي جو مظاهرو ڪن ۽ سياسي معاملن کي ڳالھ ٻولھ جي ذريعي حل ڪن.