يوم دفاع جي موقعي تي ٻئي جماعتون ڌرڻڻ کي فوري طور تي ملتوي ڪري چڏين.رابطا ڪميٽي جي اپيل.
پوري قوم پاڪ فوج جي شهيدن کي زبردست خراج تحسين ۽ ان جي جرت کي سلام تحسين پيش ڪري ٿي. ايم ڪيو ايم رابطا ڪميٽي.
ڪراچي؛6 سيپٽمبر؛2014
متحده قومي موومينٽ جي رابطا ڪميٽي يوم دفاع جي موقعي تي پنهنجي هڪ بيان ۾ چيو آهي ته پوري قوم شهيدن کي زبردست خراج عقيدت ۽ پاڪ فوج جي سربراهن ۽ تمام بهادر آفيسرن ۽ جوانن کي انهن جي جرت تي سلام تحسين پيش ڪري ٿي.انهن چيو ته هن وقت به پاڪ فوج جا آفيسر ۽ جوان ملڪ جي بقا و سلامتي جي خاطر اتر وزيرستان ۾ دهشت گردن جي خلاف ملڪ جي تاريخ جي اهم جنگ وڙهي رهيا آهن.جنهن ۾ پاڪ جا ڪيترائي آفيسر ۽ جوان شهيد ٿي چڪا آهن. جنهن تي قوم پاڪ فوج سان ڪلهو ڪلهي ۾ ملائي گڏ بيٺي آهي ۽ جام شهادت نوش ڪرڻ وارن جوانن کي سلام تحسين پيش ڪري ٿي.رابطا ڪميٽي چيو ته ملڪ هن وقت انتهائي نازڪ دور کان گذري رهيو آهي ۽ اندرين ۽ ٻاهرين سازشن جو شڪار آهي جڏهن ته پاڪ فوج هن وقت ملڪ جي دفاع ۾ مصروف آهي.حالتن جو تقاضا آهي ته اسان کي پاڪ فوج سان يڪجهتي جو اظهار ڪرڻ گهرجي ،رابطا ڪميٽي اسلام آباد ۾ ٻنهي جماعتن کي به اپيل ڪئي ته اهي پنهنجن ڌرڻڻ کي فوري طور تي ملتوي ڪري فوج سان يڪجهتي جو اظهار ڪن.
*