جي يو آئي جي سربراھ مولانا فضل الرحمٰن جو ايم ڪيو ايم جي قائد جناب الطاف حسين سان ٽيليفون تي رابطو. ملڪ ۾ جاري سياسي بحران ۽ مجموعي صورتحال تي تفصيلي خيالن جي ڏي وٽ.

لنڊن؛ 6 سيپٽمبر؛2014

           جميعت علماء اسلام جي سربراھ مولانا فضل الرحمٰن متحده قومي موومينٽ جي قائد جناب الطاف حسين سان ٽيليفون تي رابطو ڪيو ۽ انهن سان ملڪ جي گذريل ڪيترن ئي ڏينهن کان جاري سياسي بحران ۽ ملڪ جي مجموعي صورتحال تي تفصيلي خيالن جي ڏي وٽ ڪئي.مولانا فضل الرحمٰن جناب الطاف حسين سان ڳالھ ٻولھ ڪندي درخواست ڪئي ته ايم ڪيو ايم هڪ وڏي عوامي جماعت آهي ۽ ملڪي سياست ۾ ان جو اهم ڪردار آهي ان جي ڪري اهي ايم ڪيو ايم جي اسيمبلي ميمبرن جياسٽعيفٰائن تي نظر ثاني ڪن ۽ ملڪ جي سياسي تاريخ جي ان اهم موڙ تي پنهنجي موقف کي بيان ڪرڻ ۽ جمهوريت جي بقا جي لاءِ پنهنجو ڀرپور ڪردار ادا ڪرڻ جي لاءِ ايم ڪيو ايم جي ارڪان پارليامينٽ کي گڏيل اجلاس ۾ شرڪت جي هدايت به ڪن.جناب الطاف حسين مولانا فضل الرحمٰن جي درخواست کي منظور ڪندي ايم ڪيو ايم جي ارڪان پارليامينٽ جي اسٽعيفائن جي فيصلي کي موخر ڪري چڏيو ۽ انهن کي يقين ڏياريو ته ايم ڪيو ايم جا نمائندا پارليامينٽ جي گڏيل اجلاس ۾ به شرڪت ڪندا.مولانا فضل الرحمٰن جناب الطاف حسين جي ان ڳالھ جي مڪمل تائيد ڪئي ته ملڪ ۾ طوفاني برساتن ۽ سيلاب سان ٿيندڙ تباھي ۽ نازڪ صورتحال کي سامهون رکندي ٻنهي سياسي جماعتن جي طرفان ڏنل احتجاجي ڌرڻا ملتوي ڪيا وڃن.ٻنهي رهنمائن ملڪ ۾ طوفاني برساتن ۽ سيلاب سان ٿيندڙ وڏي پيماني تي جاني و مالي نقصانن تي به وڏي افسوس جو اظهار ڪيو ۽ ان ڳالھ تي اتفاق ڪيو ته هن وقت ملڪ جي تمام جماعتن کي پاڻ ۾ متحد ٿي ڪري قدرتي آفتن جي متاثرين ۽ آئي ڊي پيز جي ڀرپور مدد ڪرڻ گهرجي.

*