سابق وزير اعظم مير ظفرالله جمالي جو ايم ڪيو ايم جي قائد جناب الطاف حسين سان ٽيليفون تي رابطو.
ٻنهي رهنمائن جي وچ ۾ ملڪ ۾ جاري سياسي بحران ۽ ملڪ جي مجموعي سياسي صورتحال تي خيالن جي ڏي وٽ.
ملڪ ۾ جاري سياسي بحران جيترو جلد حل ٿي سگهي اوترو ئي ملڪ جي مفاد ۾ آهي، ملڪ ۾ ٽڪراءُ ۽ ڇڪٿاڻ جي ڪيفيت جلد کان جلد ختم ٿيڻ گهرجي.
قائد تحريڪ جناب الطاف حسين ۽ مير ظفر الله جمالي ۾ اتفاق.
لنڊن؛ 23 آگسٽ 2014
پاڪستان جي سابق وزير اعظم مير ظفر الله جمالي ايم ڪيو ايم جي قائد جناب الطاف حسين سان ٽيليفون تي ڳالھ ٻولھ ڪئي.انهن جناب الطاف حسين جي خيريت دريافت ڪئي ۽ انهن جي لاءِ نيڪ خواهشن جو اظهار به ڪيو. ٻنهي رهنمائن جي وچ ۾ ملڪ ۾ جاري سياسي بحران ۽ ملڪ جي مجموعي سياسي صورتحال تي خيالن جي ڏي وٽ ڪئي وئي.مير ظفر الله جمالي ملڪ ۾ جاري سياسي بحران جي خاتمي ۽ معاملي کي افهام و تفهيم سان حل ڪرڻ جي سلسلي ۾ ايم ڪيو ايم جي قائد جناب
الطاف حسين جي ڪوششن کي ساراهيو.مير ظفر الله جمالي جناب الطاف حسين کي چيو ته اوهان ملڪ جي هر ڏکئي وقت ۾ حڪومتن ۽ سياستدانن کي مخلصانه مشورا ڏنا آهن ۽ ملڪ ۾ جاري سياسي بحران جي خاتمي ۽ مسئلن کي افهام و تفهيم سان حل ڪرڻ جي سلسلي ۾ اوهان جيڪي مخلصانه ڪوششون ڪري رهيا آهيو انهن کي هر پاڪستاني قدر جي نگاھ سان ڏسي ٿو. جناب الطاف حسين فرمايو ته مان پارٽي مفادن کان بالاتر ٿي ڪري صرف ۽ صرف پاڪستان جي مفاد ۽ استحڪام جي لاءِ ڪوششون ڪري رهيو آهيان. منهنجي خواهش ۽ ڪوشش آهي ته ملڪ مظبوط ۽ مستحڪم ٿئي.ملڪ ۾ امير ۽ غريب سڀني جي عزت هجي ۽ سڀني کي انهن جا حق ملن. ٻنهي رهنمائن ان ڳالھ تي اتفاق ڪيو ته ملڪ ۾ جاري سياسي بحران جيترو جلد ممڪن ٿي سگهي اوترو ئي ملڪ جي مفاد ۾ آهي ۽ ملڪ ۾ ٽڪراءُ ۽ ڇڪٿاڻ جي ڪيفيت جلد کان جلد ختم ٿيڻ گهرجي.
*