سابق صدر آصف علي زرداري جو ايم ڪيو ايم جي قائد جناب الطاف حسين سان ٽيليفون تي رابطو.
ملڪ ۾ جاري سياسي بحران، مجموعي سياسي صورتحال ۽ ٻين معاملن تي ڳالھ ٻولھ.
سابق وفاقي وزير داخله رحمٰن ملڪ به جناب الطاف حسين سان ملڪ جي موجوده صورتحال تي تفصيلي ڳالھ ٻولھ ڪئي.
لنڊن؛ 22 آگسٽ 2014
سابق صدر ۽ پاڪستان پيپلزپارٽي جي ڪوچيئرمين آصف علي زرداري جمعي جي ڏينهن ايم ڪيو ايم جي قائد جناب الطاف حسين سان ٽيليفون تي رابطو ڪيو.ٻنهي رهنمائن هڪ ٻئي جي خيريت دريافت ڪئي ۽ هڪ ٻئي جي صحت و عافيت جي لاءِ نيڪ خواهشن جو اظهار به ڪيو. ٻنهي رهنمائن ملڪ ۾ جاري سياسي بحران، ملڪ جي مجموعي سياسي صورتحال ۽ ٻين معاملن تي به ڳالھ ٻولھ ڪئي. ٻنهي رهنمائن ان ڳالھ تي اتفاق ڪيو ته سياسي بحران جي خاتمي جي لاءِ حڪومت ۽ اپوزيشن ٻنهي کي ڳالھ ٻولھ جو رستو اختيار ڪرڻ گهرجي ۽ اهڙي عمل کان پاسو ڪرڻ گهرجي جنهن سان ملڪ ۾ افراتفري ۽ انتشارپيدا ٿئي.آصف علي زرداري افهام و تفهيم سان مسئلن جي حل جي لاءِ جناب الطاف حسين جي ڪاوشن کي ساراهيو ۽ انهن کي ڇنڇر جي ڏينهن وزير اعظم ميان محمد نواز شريف سان پنهنجي متوقع ملاقات کان به آگاھ ڪيو.جنهن تي جناب الطاف حسين دعا فرمائي ته الله تعالٰي ملڪ کي سياسي بحران کان ڪڍڻ جي لاءِ نيڪ ڪاوشن ۾ اوهان کي ڪاميابي عطا فرمائي.ان کان علاوه گذريل رات سينيٽر رحمٰن ملڪ به جناب الطاف حسين سان ملڪ جي موجوده صورتحال تي تفصيلي ڳالھ ٻولھ ڪئي.
*****