پنجاب جي گورنر چوڌري محمد سرور جي ايم ڪيو ايم جي قائد جناب الطاف حسين سان فون تي ڳالھ ٻولھ، موجوده سياسي بحران تي خيالن جي ڏي وٽ.
گورنر پنجاب جناب الطاف حسين کي تحريڪ انصاف ۽ پاڪستان عوامي تحريڪ سان ڳالهين جي باري ۾ آگاھ ڪيو.
تحريڪ انصاف ۽ پاڪستان عوامي تحريڪ جا تحفظات دور ڪري ڳالهين جو فوري طور تي آغاز ڪيو وڃي. جناب الطاف حسين.
لنڊن؛ 22 آگسٽ 2014
پنجاب جي گورنر چوڌري محمد سرور ايم ڪيو ايم جي قائد جناب الطاف حسين سان فون تي ڳالھ ٻولھ ڪئي ۽ انهن سان موجوده سياسي بحران تي خيالن جي ڏي وٽ ڪئي. پنجاب جي گورنر جناب الطاف حسين کي تحريڪ انصاف ۽ پاڪستان عوامي تحريڪ سان ڳالهين جي باري ۾ آگاھ ڪيو. جناب الطاف حسين تحريڪ انصاف ۽ پاڪستان عوامي تحريڪ سان شروع ٿيندڙ ڳالهين ۾ رڪاوٽ اچڻ تي ڳڻتي جو اظهار ڪيو ۽ ان ڳالھ تي زور ڏنو ته ڳالهين جي حوالي سان ٻنهي جماعتن جا تحفظات دور ڪري ڳالهين جو فوري طور تي آغاز ڪيو وڃي ۽ انهن کي بامقصد بڻائيندي جلد کان جلد ڪنهن نتيجي تي پهتو وڃي. جناب الطاف حسين معاملن کي افهام و تفهيم جي ذريعي حل ڪرڻ جي سلسلي ۾ گورنر پنجاب جي ڪوششن کي به ساراهيو.
****