اسڪواش جي سابق عالمي چيمپئن هاشم خان جي وفات تي جناب الطاف حسين جي طرفان دلي تعزيت ۽ افسوس جو اظهار.
لنڊن؛ 19 آگسٽ 2014
متحده قومي موومينٽ جي قائد جناب الطاف حسين اسڪواش جي سابق عالمي چيمپئن هاشم خان جي وفات تي وڏي ڏک ۽ افسوس جو اظهار ڪيو آهي. پنهنجي هڪ تعزيتي بيان ۾ جناب الطاف حسين فرمايو ته هاشم خان مرحوم اسڪواش جي رانڌ ۾ پنهنجي فتح کي ڪيترائي ڀيرا برقرار رکيو ۽ پاڪستان جو نالو دنيا ۾ روشن ڪيو، انهن فرمايو ته اسڪواش جي دنيا ۾ مرحوم جي تمام گهڻين خدمتن جو اعتراف سڄي دنيا ۾ ڪيو وڃي ٿو ۽ انهن کي مختلف اعزازن سان به نوازيو ويو آهي. انهن هاشم خان مرحوم جي خدمتن تي انهن کي زبردست خراج عقيدت پيش ڪندي فرمايو ته انهن جي وفات سان پاڪستان اسڪواش جي هڪ عظيم رانڌيگر کان محروم ٿي ويو آهي. انهن هاشم خان مرحوم جي تمام سوگوار پونئرن سان دلي تعزيت ۽ همدردي جو اظهار ڪندي انهن کي صبر جي تلقين ڪندي فرمايو ته مون سميت ايم ڪيو ايم جا تمام ڪارڪنَ اوهان جي ڏک ۾ برابر جا شريڪ آهن. انهن دعا فرمائي ته الله تعالٰي مرحوم کي پنهنجي جوار رحمت ۾ اعلٰي مقام عطا فرمائي ۽ سوگوار پونئرن کي اهو صدمو برداشت ڪرڻ جو حوصلو عطا فرمائي.آمين.
****