بين الاقوامي رسالي نيوز ويڪ جي طرفان جناب الطاف حسين کي دي رائيٽ مين جو خطاب ڏيڻ عوام جي حقن جي حصول جي لاءِ عملي جدوجهد ڪرڻ جو ثمر آهي. رابطا ڪميٽي ميمبر احمد سليم صديقي.
احمد سليم صديقي ڪراچي ۾ معزز شخصيتن سان ملاقاتون ڪري نيوز ويڪ ۾ جناب الطاف حسين جي شائع ٿيل انٽرويو دي رائيٽ مين جون ڪاپيون انهن کي پيش ڪيون.
ڪراچي؛ 18 آگسٽ 2014
متحده قومي موومينٽ جي رابطا ڪميٽي جي ميمبر احمد سليم صديقي ڪراچي ۾ معروف تجزيي نگار مقتدا منصور، چيئرمين پائلر ڪرامت علي خان، معروف ڪارٽونسٽ انور سميع خان ۽ ٻين سان ملاقاتون ڪري انهن کي جناب الطاف حسين جي انٽرويو جون سنڌي، اردو ۽ انگريزي جون ڪاپيون پيش ڪيون، اهو انٽرويو بين الاقوامي رسالي نيوز ويڪ ۾ دي رائيٽ مين جي نالي سان شائع ٿيو آهي.ان موقعي تي احمد سليم صديقي چيو ته نيوز ويڪ جي طرفان جناب الطاف حسين کي دي رايئٽ مين جو خطاب ڏيڻ ملڪ جي عوام جي حقن جي حصول جي لاءِ عملي جدوجهد ڪرڻ جو ثمر آهي. انهن چيو ته ملڪ ۾ رائج ڪرپٽ، جاگيرداراڻه ۽ وڏيراڻه نظام جي خلاف سڀني کان پهرين جناب الطاف حسين آواز بلند ڪئي ۽ تمام تر سازشن جي باوجود ظالمَ جناب الطاف حسين کي پنهنجي موقف کان هڪ قدم به پوئتي هٽائي نه سگهيا.ان موقعي تي ڪراچي مضافاتي آرگنائيزنگ ڪميٽي جو انچارج فرخ اعظم ۽ ٻيا به موجود هئا.
****