عمران خان جي طرفان سول نافرماني جي تحريڪ جو اعلان قوم سان وڏو مذاق آهي. قائد تحريڪ جناب الطاف حسين.

لنڊن؛ 18 آگسٽ 2014

          متحده قومي موومينٽ جي قائد جناب الطاف حسين فرمايو آهي ته عمران خان جي طرفان سول نافرماني جي تحريڪ جو اعلان قوم سان وڏو مذاق آهي.جيڪڏهن انهن کي اهو ئي ڪجھ ڪرڻو هو ته اهي ايترن ڏينهن کان قوم جو وقت، توانائي ۽ پيسو خرچ ڪرڻ جي بجاءِ پهرين ئي ان جو اعلان ڪري چڏين ها.انهن اها ڳالھ اڄ ايم ڪيو ايم جي مرڪز نائن زيرو تي رابطا ڪميٽي، تنظيمي شعبن ۽ ونگز سان گڏو گڏ لاهور، راولپنڊي ۽ اسلام آباد ۾ پارليامينٽ جي ميمبرن سان ڳالھ ٻولھ ڪندي فرمائي.انهن فرمايو ته سول نافرماني جي تحريڪ گڏَي گڏِي جي رانڌ نه آهي بلڪه ملڪ جي نظام جي مستقبل جو معاملو آهي، ملڪ جي معيشت ويهجي چڪي آهي، انهن فرمايو ته تحريڪ انصاف حڪومت جي غلط پاليسن جي خلاف گذريل ڪيترن ئي ڏينهن کان آزادي مارچ جي نالي تي جلسا ڪري رهي آهي. پنجاب جي مختلف شهرن ۾ عوام کي خاطريون ڪرايون ويون ۽ وڏا وڏا دل خوش ڪندڙ نعرا هڻي ڪري اسلام آباد آندو ويو ۽ چيو ويو ته جيستائين مقصد حاصل نه ٿيندو ان وقت تائين اسان ڌرڻي کان نه اٿنداسين، ان دوران زندگي جو ڪاروبار متاثر ٿيو، اسٽاڪ مارڪيٽ ڪري پئي ۽ سيڪيورٽي جي انتظامن تي به وڏو خرچو اچي رهيو آهي، اهو پيسو وزير اعظم ميان نواز شريف جي کيسي مان نه ،بلڪه ملڪ جي خزاني مان ئي ويندو. جيڪڏهن ايترو ڪجھ ٿيڻ کان پوءِ عمران خان کي اهو ئي ڪجھ ڪرڻو هو ته اهي پهرين ئي ڪري چڏين ها. انهن فرمايو ته عمران خان عوام کي پاڻي، بجلي، گيس جو بل ۽ ٽيڪس نه ڏيڻ جو اعلان ڪيو آهي.جڏهن ته ماڻهو بجلي جو بل هونهن ئي نه ٿا ڏين ۽ ڪُنڊا هڻي ڪري بجلي حاصل ڪن ٿا، اهڙي طرح ٽيڪس جي چوري به ٿئي ٿي، ان جي ڪري سول نافرماني جو اعلان ڪري عمران خان حڪومت جو ڪهڙو نقصان ڪري رهيا آهن،جيڪڏهن عمران خان ۾ جرت ۽ همت آهي ته اهي قوم سان اهو مذاق ڪرڻ جي بجاءِ ڪوئي جرت منداڻه قدم کڻڻ ها. جناب الطاف حسين فرمايو ته مان ميان نواز شريف جي حڪومت جو حمايتي نه آهيان، نواز شريف جي حڪومت ماضي ۾ ايم ڪيو ايم سان برو سلوڪ ڪيو هو پر مان بدلي وٺڻ جو قائل نه آهيان، مون کي پاڪستان جي عوام جي ڀلائي گهرجي.عوام پهرين ئي پريشان آهن، مان سمجهان ٿو ته عمران خان عوام سان مذاق ڪري رهيا آهن. انهن فرمايو ته مان پاڪستان جي امن جي خاطر وزير اعظم ۽ عمران خان کي اپيل ڪريان ٿو ته اهي مسئلن جي حل جي لاءِ سول نافرماني جي بجاءِ ڳالھ ٻولھ جو آغاز ڪن ۽ پنهنجا مطالبا دليلن سان مڃرائين، جناب الطاف حسين فرمايو ته جيڪڏهن ڪوئي خوش خيالي ۾ اهو سوچي ته مان ٽارزن آهيان ، ٽائي سن يا محمد علي ڪلو آهيان ته سوچڻ سان ڪوئي ٽارزن يا ٽائي سن نه ٿو بڻجي وڃي. انهن فرمايو ته مان ملڪ جي بهتري ۽ بقا و سلامتي ۽ ملڪ جي عوام جي ترجماني ڪندي سول نافرماني جي حوالي سان پنهنجن خيالن جو اظهار ڪيو آهي،ڇو ته مان سمجهان ٿو ته ڪن جڳهن تي مصلحت سان ڪم وٺڻ ڪبيرو گناھ بڻجي وڃي ٿو.