نيوز ويڪ جناب الطاف حسين جي جدوجهد کي تسليم ڪندي انهن کي دي رائيٽ مين جو خطاب ڏنو آهي. رابطا ڪميٽي ميمبر يوسف شاهواڻي.
يوسف شاهواڻي ڪراچي ۾ معزز شخصيتن سان ملاقات ڪري انهن کي جناب الطاف حسين جي انٽريو دي رائيٽ مين جون ڪاپيون پيش ڪيون.
ڪراچي؛ 17 آگسٽ 2014
متحده قومي موومينٽ جي رابطا ڪميٽي جي ميمبر يوسف شاهواڻي ڪراچي ۾ معزز شخصيتن سان انهن جي رهائشگاهن تي ملاقات ڪري انهن کي انگريزي رسالي نيوز ويڪ ۾ شائع ٿيندڙ جناب الطاف حسين جي انٽرويو دي رائيٽ مين جون سنڌي، اردو ۽ انگريزي جون ڪاپيون پيش ڪيون.ان موقعي تي ڳالھ ٻولھ ڪندي يوسف شاهواڻي چيو ته جناب الطاف حسين 35 سالن کان غريبن ۽ وچولي طبقي جي حقن جي لاءِ جدوجهد ڪري رهيا آهن اها ئي وجه آهي ته بين الاقوامي رسالي نيوز ويڪ انهن جي جدوجهد کي تسليم ڪندي انهن کي دي رائيٽ مين جو خطاب ڏنو آهي. ان موقعي تي معززن جناب الطاف حسين جي ساراھ ڪندي چيو ته واقعي جناب الطاف حسين هڪ بهادر ليڊر آهن جن هميشه غريبن جي حقن جي لاءِ ويڙھ ڪئي آهي.ان موقعي تي ڪراچي مضافاتي آرگنائيزنگ ڪميٽي جو انچارج فرخ اعظم ۽ ٻيا به موجود هئا.
****