علامه طاهر القادري کي الله تعالٰي ۽ نبي پاڪ صلي الله عليه وسلم جي واسطي اپيل ڪريان ٿو ته اهي ڪنهن به قيمت تي ريڊ زون ۾ داخل نه ٿين. قائد تحريڪ جناب الطاف حسين.

لنڊن؛ 14 آگسٽ 2014

         متحده قومي موومينٽ جي قائد جناب الطاف حسين پاڪستان عوامي تحريڪ جي سربراھ علامه طاهر القادري، پاڪستان عوامي تحريڪ جي ٻئي قيادت ۽ تمام ڪارڪنن کي پرزور اپيل ڪئي آهي ته اهي پنهنجي مارچ کي پرامن رکن.اسلام آباد ۾ زيرو پوائنٽ کان اڳتي ڪنهن به صورت ۾ نه وڌن ۽ ڪنهن به قيمت تي ريڊ زون ۾ داخل نه ٿين.پنهنجي هڪ هنگامي بيان ۾ جناب الطاف حسين فرمايو ته گذريل ٻن ڏينهن جي دوران مان، گورنر پنجاب، گورنر سنڌ ۽ وفاقي ڪابينا جي ڪجھ ميمبرن ڏينهن رات جاڳي ڪري ماڊل ٽائون لاهور ۾ رڪاوٽن جو مسئلو حل ڪرائڻ جي ڪوشش ڪئي ۽ انهن ڪاوشن جي نتيجي ۾ وفاقي ۽ پنجاب حڪومت علامه طاهر القادري کي پرامن لانگ مارچ ڪڍڻ جي اجازت ڏيئي چڏي آهي. وفاقي حڪومت يقينن ان معاملي ۾ وڏي دل ۽ عقلمندي جو مظاهرو ڪيو آهي ۽ هاڻي اها ڊاڪٽر القادري ۽ انهن جي اتحادين جي ذميواري آهي ته اهي انهن تمام ماڻهن جو ڀرم رکن جن ان معاملي کي مفاهمت سان حل ڪرائڻ ۾ پنهنجو پنهنجو ڪردار ادا ڪيوآهي.جناب الطاف حسين علامه طاهر القادري ۽ انهن جي تحريڪ جي تمام رهنمائن ۽ ڪارڪنن ۽ همدردن کي الله تعالٰي ۽ ان جي نبي پاڪ صلي الله عليه وسلم جي واسطي اپيل ڪئي ته اهي مارچ کي پرامن رکن، پنهنجو احتجاج اسلام آباد زيرو پوائنٽ تي منعقد ڪن ۽ ڪنهن به قيمت تي ريڊ زون ۾ داخل نه ٿين.