لاهور ۾ بيهاريل ڪنٽينرن، ٽرالرن ۽ ٻين رڪاوٽن کي هٽائڻ جي لاءِ فوري طور تي حڪمَ جاري ڪيا وڃن.
وزير اعظم ميان نواز شريف ۽ وزير اعلٰي پنجاب شهباز شريف کان قائد تحريڪ جناب الطاف حسين جو پرزور مطالبو.
لنڊن؛ 13 آگسٽ 2014
متحده قومي موومينٽ جي قائد جناب الطاف حسين وزير اعظم ميان نواز شريف ۽ وزير اعلٰي پنجاب ميان شهباز شريف کان پرزور مطالبو ڪيو آهي ته اهي لاهور جي مختلف علائقن ۾ بيهاريل ڪنٽينرن، ٽرالرن ۽ ٻين رڪاوٽن کي ايس او ايس بنيادن تي هٽائڻ جي لاءِ فوري طور تي حڪمَ جاري ڪن. پنهنجي هڪ بيان ۾ جناب الطاف حسين فرمايو ته گذريل ڪيترن ئي ڏينهن کان لاهور ۾ پوليس ۽ انتظاميه جڳھ جڳھ تي رڪاوٽون بيهاري چڏيون آهن جنهن سان روزگار، ڪاروبار ۽ نوڪرين تي وڃڻ وارن ماڻهن کي سخت رڪاوٽن جو سامنو آهي، انهن رڪاوٽن سان سڀني کان وڌيڪ متاثر روزانو جي بنياد تي مزدوري ڪندڙ غريب مزدور ٿي رهيا آهن، جيڪي روز ڪمائي ڪري پنهنجو ۽ پنهنجن ٻچن جو پيٽ پالين ٿا. ان سان گڏو گڏ روڊ رستا بند ٿيڻ سان مريضن کي اسپتال وٺي وڃڻ ۾ به سخت مشڪلاتن جو سامنو آهي.جناب الطاف حسين انساني حقن جي تنظيمن، سول سوسائٽي جي تمام انجمنن، وڪلاء برادري ۽ زندگي جي تمام شعبن سان تعلق رکڻ وارن ماڻهن کي به اپيل ڪئي ته اهي به حڪومت جي طرفان کنيل ظالمانه قدمن جي خلاف پنهنجي ضمير جي مطابق آواز بلند ڪن.جناب الطاف حسين پنهنجي بيان جي آخر ۾ هڪ ڀيرو ٻيهر وزير اعظم ميان نواز شريف ۽ وزير اعلٰي پنجاب ميان شهباز شريف کان انسانيت جي نالي تي پرزور اپيل ڪئي ته اهي لاهور جي مقامي انتظاميه، پوليس جي اعلٰي آفيسرن ۽ ادارن کي لاهور ۽ ٻين علائقن ۾ بيهاريل ڪنٽينرن، ٽرالرن ۽ ٻين رڪاوٽن کي هٽائڻ جي لاءِ فوري طور تي حڪمَ جاري ڪن ته جيئن شهرين ۽ گهٽ ۾ گهٽ روزانو جي بنياد تي مزدوري ڪندڙ غريب مزدورَ هڪ وقت جي ماني ڪمائڻ جي قابل ٿي سگهن.