ايم ڪيو ايم جي قائد جناب الطاف حسين جي شيخ رشيد احمد سان فون تي ڳالھ ٻولھ، لال حويلي تي ڪجھ هٿياربند ماڻهن جي طرفان حملي جي ڪوشش تي مذمت جو اظهار.
اها وڏي ڪريل حرڪت آهي،حڪومت خدا جي واسطي اهڙين حرڪتن کان باز رهي. قائد تحريڪ جناب الطاف حسين.
لنڊن ؛11 آگسٽ 2014
ايم ڪيو ايم جي قائد جناب الطاف حسين پاڪستان عوامي مسلم ليگ جي سربراھ شيخ رشيد احمد جي گهر لال حويلي تي ڪجھ هٿيار بند دهشت گردن جي طرفان حملي جي ڪوشش ڪرڻ جي سخت مذمت ڪئي آهي.جناب الطاف حسين شيخ رشيد سان فون تي ڳالھ ٻولھ ڪري انهن جي خيريت دريافت ڪئي ۽ ان واقعي جي باري ۾ معلوم ڪيو.شيخ رشيد انهن کي ٻڌايو ته دهشت گردن هڪ ٽولي جي شڪل ۾ اڄ لال حويلي تي حملو ڪيو ۽ انهن کي نقصان پهچائڻ جي ڪوشش ڪئي.جناب الطاف حسين ان واقعي تي سخت ڳڻتي جو اظهار ڪندي فرمايو ته اها وڏي ڪريل حرڪت آهي، حڪومت کي گهرجي ته اها خدا جي واسطي ان قسم جا هٿڪنڊا اختيار نه ڪري ۽ اهڙين حرڪتن کان باز رهي . شيخ رشيد خيريت دريافت ڪرڻ تي جناب الطاف حسين جو شڪريو ادا ڪيو. انهن ماڊل ٽائون ۾ايم ڪيو ايم جي طرفان کاڌي پيتي جون شيون ۽ ٻارن جو کير پهچائڻ تي جناب الطاف حسين جو شڪريو ادا ڪندي چيو ته اهو عمل انتهائي سٺو آهي ۽ ان کي هر هڪ ساراهيو آهي.ٻنهي رهنمائن جي وچ ۾ ملڪ جي موجوده سياسي صورتحال تي به خيالن جي ڏي وٽ ٿي.
*