ايم ڪيو ايم رابطا ڪميٽي جي ميمبرن حيدر عباس رضوي ۽ اسلم آفريدي جي گلگت بلتستان ۾ معروف عالم سيد آغا راحت علي سان ملاقات.
ملاقات ۾ گلگت بلتستان جي عوام جي مسئلن تي تفصيلي خيالن جي ڏي وٽ ڪئي وئي .
گلگت بلتستان؛ 11 آگسٽ 2014
متحده قومي موومينٽ جي طرفان گلگت بلتستان ۾ مختلف سياسي، سماجي ۽ مذهبي جماعتن جي رهنمائن، مختلف رهنمائن ۽ مختلف مڪتبه فڪر سان تعلق رکڻ وارين شخصيتن سان ملاقاتن جو سلسلو جاري آهي. ان سلسلي ۾ حيدر عباس رضوي ۽ اسلم آفريدي معروف عالم سيد آغا راحت علي سان ملاقات ڪئي ۽ گلگت بلتستان جي عوام جي مسئلن تي خيالن جي ڏي وٽ ڪئي.ان موقعي تي ايم ڪيو ايم گلگت بلتستان ڪميٽي جو انچارج عارف شاھ ۽ ٻيا به موجود هئا. ملاقات ۾ سيد آغا راحت علي ملڪ جي داخلي استحڪام ۽ سالميت جي لاءِ جناب الطاف حسين جي طرفان کنيل قدمن کي ساراهيو ۽ انهن کي ملڪ و قوم جي لاءِ مثبت قرار ڏنو.انهن چيو ته جناب الطاف حسين ملڪ جا واحد ليڊر آهن جن گلگت بلتستان جي عوام جي ترجماني ڪندي حڪومت کان ڪڻڪ جي سبسڊي جو مطالبو ڪيو ۽ ان مسئلي کي ايوانن ۾ اٿاريو جنهن تي گلگت بلتستان جا عوام جناب الطاف حسين جا مشڪور آهن.حيدر عباس رضوي ۽ اسلم آفريدي سيد آغا راحت علي جي خيالن کي ساراهيندي چيو ته جناب الطاف حسين سڄي ملڪ جي قومن جا قائد آهن ۽ اها ئي وجه آهي ته ايم ڪيو ايم ۾ اڄ هر قوم جا غريب ۽ وچولي طبقي جا ماڻهو شامل آهن ۽ پاڪستان کي بچائڻ ۽ جاگيرداراڻه نظام جي خاتمي جي لاءِ عملي جدوجهد جو حصو بڻجي چڪا آهن.ان کان پوءِ رابطا ڪميٽي اسماعيلي ريجنل ڪميٽي سان ملاقات ڪئي ۽ آغا ضياء الدين شهيد جي قبر تي حاضري ڏني ۽ قائد تحريڪ جناب الطاف حسين جي طرفان گلن جي چادر چڙهائي ۽ فاتحه خواني به ڪئي.
*