جناب الطاف حسين جي هدايت تي ماڊل ٽائون لاهور ۾ ميڊيڪل ڪيمپ قائم ڪيو ويو آهي.
لنڊن؛ 11 آگسٽ 2014
متحده قومي موومينٽ جي قائد جناب الطاف حسين جي هدايت تي ماڊل ٽائون لاهور ۾ پاڪستان عوامي تحريڪ جي تحت يوم شهداء جي شرڪاء کي طبي امداد جي فراهمي جي لاءِ ميڊيڪل ڪيمپ قائم ڪيو ويو آهي.جڏهن ته ايم ڪيو ايم جي تحت يوم شهداء جي شرڪاء جي لاءِ کاڌي پيتي جون شيون ۽ ٻارن جو کير فراهم ڪرڻ جو سلسلو جاري آهي.تفصيلات جي مطابق ايم ڪيو ايم جي فلاحي اداري ڪي ڪي ايف جي تحت ماڊل ٽائون لاهور ۾ منهاج القرآن سيڪريٽريٽ جي ويجهو ميڊيڪل ڪيمپ قائم ڪيو ويو آهي، جتي ايم ڪيو ايم ميڊيڪل ايڊ ڪميٽي جا ڊاڪٽر ۽ پيرا ميڊيڪل جو اسٽاف شرڪاء کي علاج معالجي جون سهولتون فراهم ڪري رهيو آهي.ان کان علاوه ايم ڪيو ايم جي طرفان پاڪستان عوامي تحريڪ جي سربراھ ڊاڪٽر علامه طاهر القادري جي رهائشگاھ تي يوم شهداء جي شرڪاء جي لاءِ کاڌي پيتي ۽ ٻارن جي کير جي فراهمي جو سلسلو بدستور جاري آهي ۽ اڄ به ايم ڪيو ايم جي تحت هزارين شرڪاء کي کاڌي پيتي جو سامان، پاڻي ۽ کير فراهم ڪيو ويو آهي جنهن کي پاڪستان عوامي تحريڪ جي رهنمائن ۽ ڪارڪنن جي طرفان ساراهيو ويو آهي.ان کان اڳ جناب الطاف حسين ماڊل ٽائون لاهور ۾ ڏينهن رات مصروف رابطا ڪميٽي، لاهور زون جي ذميوارن، ڪي ڪي ايف ۽ ايم ڪيو ايم ميڊيڪل ايڊ ڪميٽي جي ڊاڪٽرن ۽ پيرا ميڊيڪل اسٽاف کي سلام تحسين ۽ زبردست خراج تحسين به ڪيو آهي.
****