پشاور ۾ هٿيار بندن جي فائرنگ سان سک واپاري جي هلاڪت جو واقعو قابل مذمت آهي. ايم ڪيو ايم رابطا ڪميٽي.
گذريل پوئين ڏينهن ۾ به گجرانوالا ۾ احمدين جي گهرن تي حملو ڪري عورت ۽ ٻارن کي زنده ساڙيو ويو هو.
مذهبي اقليتن ۾ عدم تحفظ جو احساس وڌي رهيو آهي، اقليتن کي تحفظ فراهم ڪيو وڃي. رابطا ڪميٽي.
ڪراچي؛ 6 آگسٽ 2014
متحده قومي موومينٽ جي رابطا ڪميٽي پشاور ۾ هٿيار بندن جي فائرنگ سان هڪ سک واپاري جي هلاڪت جو واقعو مذمت جوڳو آهي.پنهنجي هڪ بيان ۾ رابطا ڪميٽي چيو ته گذريل پوين ڏينهن ۾ به گجرانوالا ۾ احمدين جي گهرن تي حملو ڪري عورت ۽ ٻارن سميت ڪيترن ئي ماڻهن کي زنده ساڙيو ويو هو ۽ اڄ پشاور ۾ هٿيار بندن سک واپارين تي فائرنگ ڪري ڏني جنهن سان هڪ واپاري هلاڪ ٿي ويو آهي. رابطا ڪميٽي ان واقعي جي سخت ترين لفظن ۾ مذمت ڪندي چيو ته گذريل پوين ڏينهن ۾ به هڪ اهڙي ئي واقعي جي خلاف سک ڪميونٽي پارليامينٽ هائوس تي احتجاج ڪيو هو ۽ هاڻي هڪ ڀيرو ٻيهر اهو واقعو رونما ٿيو آهي، جنهن جي ڪري سک ڪميونٽي ۾ سخت ڪاوڙ پاتي وڃي ٿي. رابطا ڪميٽي چيو ته ان قسم جا واقعا پاڪستان ۾ آباد مذهبي اقليتن ۾ عدم تحفظ جي احساس کي وڌائي رهيا آهن ان جي ڪري ضرورت ان ڳالھ جي آهي ته اهڙي قسم جي واقعن کي روڪيو وڃي ۽ اقليتن کي تحفظ فراهم ڪيو وڃي. رابطا ڪميٽي مطالبو ڪيو ته سک واپارين جي قاتلن کي گرفتار ڪيو وڃي. رابطا ڪميٽي مقتول واپاري جي پونئرن سان دلي تعزيت ۽ همدردي جو اظهار به ڪيو.