متحده قومي موومينٽ جي قائد جناب الطاف حسين جي هدايت تي خدمت خلق فائونڊيشن جي زير اهتمام سمنڊ ڪناري سي ويو تي ٻڏي ڪري هلاڪ ٿيندڙ ماڻهن جي پونئرن جي لاءِ معلوماتي ۽ طبي ڪيمپ قائم ڪيو ويو آهي.
ڪيمپ تي رابطا ڪميٽي ميمبرَ، اسيمبلين جا حق پرست ميمبر َ ، ذميوار ۽ ڪارڪنَ مسلسل موجود رهندا.
ڪراچي؛ پهرين آگسٽ 2014
متحده قومي موومينٽ جي قائد جناب الطاف حسين جي خصوصي هدايت تي خدمت خلق فائونڊيشن جي زير اهتمام ڪراچي ۾ سمنڊ ڪناري سي ويو تي ٻڏي ڪري هلاڪ ٿيندڙ ماڻهن جي پونئرن جي لاءِ خصوصي معلوماتي ۽ طبي ڪيمپ قائم ڪيو ويو آهي. ڪي ڪي ايف جي طرفان لڳايل ڪيمپ تي پونئرن کي بروقت ڄاڻ ۽ طبي سهولتون فراهم ڪيون پيون وڃن ۽ ڪنهن به هنگامي صورتحال کان نڀرڻ جي لاءِ رابطا ڪميٽي جا ميمبر،حق پرست عوامي نمائندا ۽ ٻين ذميوارن کان علاوه ڪارڪنَ مسلسل ڪيمپ تي موجود آهن، جڏهن ته جان بچائڻ واريون قيمتي دوائون ۽ جديد آلات سان آراسته ڪي ڪي ايف جون ايمبولينسون به موجود آهن. ان کان علاوه رابطا ڪميٽي ڊپٽي ڪنوينر ڊاڪٽر خالد مقبول صديقي، رابطا ڪميٽي ميمبرن ۽ حق پرست نمائندن سي ويو تي ڪي ڪي ايف جي طبي ڪيمپ جو دورو ڪيو ۽ طبي سهولتن جو جائزو ورتو ۽ ڪيمپ تي موجود متاثرن سان ملاقات ڪري انهن سان قائد تحريڪ جناب الطاف حسين جي طرفان دلي تعزيت ۽ همدردي جو اظهار ڪيو.ان موقعي تي ڪيمپ تي ٻڏي ويل ماڻهن جا پونئر وڏي تعداد ۾ جمع ٿي ويا ۽ پنهنجن پيارن جي باري ۾ ڄاڻ حاصل ڪندا رهيا.
*****