ڪراچي ۾ ڪجھ مفاد پرست پوليس اهلڪارن جي طرفان معصوم شهرين کي خوف زده ڪري رشوت وٺڻ جي واقعن تي سنڌ اسيمبلي جي حق پرست ميمبرن جي طرفان ڳڻتي جو اظهار.
شهر ۾ اسنيپ چيڪنگ جي بهاني معصوم شهرين کي تنگ ڪيو پيو وڃي ۽ عيدي جي نالي تي رشوت ورتي پئي وڃي.
ڪراچي؛ 27 جولائي 2014
متحده قومي موومينٽ جي حق پرست ميمبرن جي طرفان ڪراچي ۾ عيد جي موقعي تي ڪجھ مفاد پرست پوليس اهلڪارن جي طرفان معصوم شهرين کي خوف زده ڪري رشوت طلب ڪرڻ جي واقعن تي وڏي ڳڻتي جو اظهار ڪيو آهي.انهن چيو ته شهر ۾ عيد جي موقعي تي اسنيپ چيڪنگ جي نالي تي جڳھ جڳھ تي معصوم ۽ بي گناھ شهرين کي تنگ ڪيو پيو وڃي ۽ عيدي جي نالي تي روزانه رشوت طلب ڪئي پئي وڃي. انهن چيو ته هڪ طرف ته شهر ۾ دهشت گردن جي طرفان پوليس آفيسرن ۽ اهلڪارن کي نشانو بڻائو پيو وڃي ۽ پوليس اهلڪار جام شهادت نوش ڪري رهيا آهن، جڏهن ته ٻئي طرف ڪجھ مفاد پرست پوليس اهلڪارن جي طرفان شهرين کي خوف زده ڪرڻ جو عمل جاري آهي ان تي عوام ۾ وڏي ڳڻتي پاتي وڃي ٿي انهن گورنر سنڌ ڊاڪٽر عشرت العباد، وزير اعلٰي سنڌ سيد قائم علي شاھ ۽ قائم مقام آئي جي سنڌ کان مطالبو ڪيو ته اهي پوليس جي طرفان عوام کان اسنيڪ چيڪنگ جي نالي تي رشوت طلب ڪرڻ جو نوٽس وٺن