شهري رمضان شريف ۾ به پاڻي ڦڙي جي لاءِ تڙپي رهيا آهن، جيڪا ڳڻتي جي ڳالھ آهي.حق پرست ايم اين اي آصف حسنين.
ڪراچي؛ 23 جولائي 2014
ڪراچي ۾ وڌندڙ پاڻي جي بحران ۽ ٻين مسئلن جي حل جي لاءِ حق پرست ميمبر قومي اسيمبلي وفد سان گڏجي ڪراچي واٽر اينڊ سوريج بورڊ جي ايم ڊي قطب الدين شيخ سان ملاقات ڪئي.ملاقات ۾ ڪراچي جي ڪيترن ئي علائقن ۾ پاڻي جي عدم فراهمي جي ڪري شهرين کي درپيش مسئلن جي حل ۽ ناجائز ڪنيڪشنن جي ذريعي پاڻي جي چوري، ٽينڪر مافيا ۽ غير قانوني هائيڊرينٽس ۽ واٽر بورڊ جي آفيسرن جي طرفان تعاون نه ڪرڻ جي سبب پاڻي جي چوري ۾ ملوث ڪارين رڍين جي خلاف ڪاروائي جي حوالي سان تفصيلي ڳالھ ٻولھ ٿي.ان کان پوءِ ميڊيا سان ڳالھ ٻولھ ڪندي آصف حسنين چيو ته ڪراچي جا شهري رمضان شريف جي مهيني ۾ به پاڻي ڦڙي جي لاءِ ترسي رهيا آهن پر واٽر بورڊ جي انڊر ڪنٽرول هائيڊرينٽس جي ذريعي صنعتي علائقن ۾ ٽينڪر مافيا جي ذريعي کلي عام پاڻي وڪرو ڪيو پيو وڃي جيڪا افسوس ناڪ ڳالھ آهي.انهن مطالبو ڪيو ته پاڻي جي چوري ۾ ملوث واٽر بورڊ جي ملازمن کي نه صرف نوڪرين مان ڪڍيو وڃي بلڪه انهن جي خلاف مقدمو به درج ڪيو وڃي.ان موقعي تي قطب الدين ايم ڪيو ايم وفد کي يقين ڏياريو ته پاڻي جي چوري ۾ ملوث ملازمن، ٽينڪر مافيا ۽ غير قانوني هائيڊرينٽس جي سرپرستي ڪرڻ وارن جي خلاف اداري جي طرفان ڪاروائي ڪئي ويندي.
*****