پبلڪ ٽرانسپورٽ ۾ سي اين جي جي استعمال ۽ غير معياري سلينڊرن جي تنصيب جو سختي سان نوٽس ورتو وڃي. ايم ڪيو ايم رابطا ڪميٽي.
فيڊرل بي ايريا ۾ فضل مل جي ويجهو مسافر بس ۾ سلنڊر ڦاٽڻ جي نتيجي ۾ ٽن ماڻهن جي هلاڪ ۽ ڪجھ ماڻهن جي زخمي ٿيڻ تي رابطا ڪميٽي جي طرفان افسوس جو اظهار.
ڪراچي؛ 21 جولائي 2014
متحده قومي موومينٽ جي رابطا ڪميٽي ڪراچي فيڊرل بي ايريا جي علائقي فضل مل جي ويجهو سي اين جي ڀرائڻ وقت بس جو سلينڊر ڦاٽڻ جي نتيجي ۾ ٽن ماڻهن جي هلاڪ ۽ ڪجھ ماڻهن جي زخمي ٿيڻ تي وڏي ڏک ۽ افسوس جو اظهار ڪيو آهي. پنهنجي هڪ تعزيتي بيان ۾ رابطا ڪميٽي چيو ته پبلڪ ٽرانسپورٽ ۾ سي اين جي جي وڌندڙ استعمال ۽ ان مقصد جي لاءِ گاڏين ۾ غيرمعياري سلنڊر نصب ڪرڻ جي نتيجي ۾ خوفناڪ حادثا روز جو معمول بڻجي چڪا آهن جنهن جي نتيجي ۾ ڪيتريون ئي جانيون ضايع ٿي چڪيون آهن جڏهن ته لاڳاپيل ادارن جي طرفان شهرين جي جان و مال جي تحفظ ۽ ان جي تدارڪ جي لاءِ ڪنهن به قسم جون ڪوششون ڏسڻ ۾ نه ٿيون اچن. رابطا ڪميٽي هلاڪ ٿيندڙ ماڻهن جي مغفرت ۽ انهن جي بلند درجات جي لاءِ دعا به ڪئي ۽ زخمين جي جلد و مڪمل صحتيابي جي لاءِ به دعا ڪئي.ان کان علاوه رابطا ڪميٽي حڪومت کان مطالبو ڪيو ته پبلڪ ٽرانسپورٽ ۾ سي اين جي جي استعمال ۽ غيرمعياري سلنڊرز جي تنصيب جو سختي سان نوٽس ورتو وڃي ۽ غفلت ڪندڙن ۽ لاڳاپيل ادارن جي خلاف سخت ترين ڪاروائي ڪئي وڃي.