ايم ڪيو ايم ڪراچي مضافاتي آرگنائيزنگ ڪميٽي جي زير اهتمام ابراهيم حيدري سيڪٽر ۾ معززن جي اعزاز ۾ افطار ڊنر جو انعقاد
خدمت ڪرڻ کان سواءِ سياست نه صرف بيڪار آهي بلڪه ڌوکو به آهي.ايم ڪيو ايم رابطا ڪميٽي.
ڪراچي؛ 21 جولائي 2014
متحده قومي موومينٽ ڪراچي آرگنائيزنگ ڪميٽي جي زير اهتمام قائد تحريڪ جناب الطاف حسين جي هدايت تي ابراهيم حيدري سيڪٽر ۾ معززن جي اعزاز ۾ افطار ڊنر جو اهتمام ڪيو ويو جنهن ۾ رابطا ڪميٽي جي ميمبرن عبدالحسيب ،اشفاق منگي ۽ يوسف شاهواڻي شرڪت ڪئي.دعوت افطار ۾ مسلم ليگ ن جي ميمبر سنڌ اسيمبلي حاجي شفيع ڄاموٽ به شرڪت ڪئي.افطار ڊنر کي خطاب ڪندي رابطا ڪميٽي ميمبرن چيو ته جناب الطاف حسين سياست ۾ انسانيت جي عملي خدمت جو درس ڏنو آهي ۽ ٻڌايو آهي ته خدمت ڪرڻ کان سواءِ سياست نه صرف بيڪار آهي بلڪه ڌوکو به آهي. رابطا ڪميٽي چيو ته جناب الطاف حسين جي زير نگراني ڪم ڪندڙ ڪي ڪي ايف جي تحت زلزلي، طوفان،ڏڪار سٽيل عوام ۽ مستحق ماڻهن جي لاءِ ڪئي ويندڙ مدد مثالي آهي. رابطا ڪميٽي وڌيڪ چيو ته جناب الطاف حسين بار بار دهشت گردي جي خلاف جنگ جي حوالي سان پنهنجي سچائي تي مبني خيالن جو اظهار ڪن ٿا جن کي ايم ڪيو ايم مخالف هميشه غلط قرار ڏين ٿا، پر اڄ ملڪ و قوم ۾ دهشت گردي جي جيڪا صورتحال آهي اها ان ڳالھ جو ثبوت آهي ته جناب الطاف حسين ماضي ۾ جيڪي به ڳالهيون ڪيون آهن اهي سو سيڪڙو سچيون آهن. رابطا ڪميٽي افطار پارٽي جي شرڪاء کي اپيل ڪئي ته اهي اتر وزيرستان جي متاثرن ۽ ڪي ڪي ايف جي طرفان رمضان شريف ۾ ۽ سڄو سال مستحق ماڻهن جي امداد جي لاءِ زڪوٰت، فطرو ۽ ٻيون امدادي شيون وڌ کان وڌ تعداد ۾ ڪي ڪي ايف ۾ جمع ڪرائين. ان موقعي تي ڪراچي مضافاتي آرگنائيزنگ ڪميٽي جو انچارج فرخ اعظم، جوائنٽ انچارج اسلم بلوچ، سيد احمد رضا ۽ ميمبر به موجود هئا