ڪي ايم سي جي 8 اسپتالن ۾ مريضن کي خوراڪ ۽ دوائن جي فراهمي جي بندش تي رابطا ڪميٽي جي طرفان مذمت جو اظهار.
اسپتالن ۾ زير علاج هزارين مريض مهانگائي جي دور ۾ ٻٺي پريشانين جو شڪار ٿي ويا آهن. رابطا ڪميٽي.
ڪراچي؛ 18 جولائي 2014
متحده قومي موومينٽ جي رابطا ڪميٽي ڪروڙين روپين جي بلن جي عدم ادائگي تي ڪي ايم سي جي 8 اسپتالن ۾ مريضن کي خوراڪ ۽ دوائن جي فراهمي جي بندش جي سخت ترين لفظن ۾ مذمت ڪئي آهي ۽ مريضن کي خوراڪ ۽ دوائن جي بندش جي ذميوار عناصر کي بي حس ۽ انتهائي غفلت جو مرتڪب قرار ڏنو آهي. پنهنجي هڪ بيان ۾ رابطا ڪميٽي چيو ته ڪي ايم سي جي اسپتالن مان غريب ۽ وچولي طبقي جا هزارين مريض علاج معالجي جي سهولتن مان فائدو حاصل ڪن پيا پر اسپتالن ۾ خوراڪ ۽ دوائون فراهم ڪرڻ وارن ٺيڪيدارن ڪروڙين روپين جي بلن جي ادائگي نه ٿيڻ تي هزارين مريضن کي خوراڪ ۽ دوائن جي فراهمي بند ڪري چڏي آهي جنهن سان اسپتالن ۾ زير علاج مريض پريشانين ۾ مبتلا ٿي ويا آهن. رابطا ڪميٽي چيو ته ان معاملي جي جيتري به مذمت ڪئي وڃي اها گهٽ آهي.رابطا ڪميٽي گورنر سنڌ ڊاڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته ڪي ايم سي جي 8 اسپتالن ۾ مريضن کي خوراڪ ۽ دوائن جي فراهمي جي بندش جو سنجيدگي سان نوٽس ورتو وڃي ۽ اسپتالن جي صورتحال کي وڌيڪ بهتر ۽ مريضن کي پريشانين کان نجات ڏيارڻ جي لاءِ فوري طور تي ڪوششون ڪيون وڃن.