ايم ڪيو ايم جي تحت گلستان جوهر ، محمود آباد ۽ نيو ڪراچي ۾ افطار ڊنرز جو اهتمام.
عوامي اتحاد سان ئي پاڪستان جي بقا ۽ سلامتي کي يقيني بڻائي سگهجي ٿو. ايم ڪيو ايم رابطا ڪميٽي.
ڪراچي؛ 17 جولائي 2014
متحده قومي موومينٽ جي زير اهتمام گلستان جوهر، محمود آباد ۽ نيو ڪراچي سيڪٽرن ۾ افطار پارٽين ۽ افطار ڊنرز جو اهتمام ڪيو ويو. جنهن ۾ رابطا ڪميٽي ميمبرن عادل صديقي، سيف يار خان ۽ عبدالحسيب شرڪت ڪئي. ان موقعي تي خواجه اظهار الحسن، صوبائي وزير صنعت و تجارت رئوف صديقي ۽ حق پرست اسيمبلي ميمبرن کان علاوه ڪارڪنن ۽ عوام جي وڏي تعداد به موجود هئي. افطار پارٽين کي خطاب ڪندي رابطا ڪميٽي ميمبرن چيو ته جناب الطاف حسين هميشه ملڪ ۾ مذهبي هم آهنگي ۽ ڀائيچاري جي فروغ جو درس ڏنو آهي ۽ ملڪ کان مذهب جي نالي تي انتها پسندي جي خاتمي جي لاءِ ڪوششون ڪيون آهن اها ئي وجه آهي ته ايم ڪيو ايم ۾ ملڪ جي تمام مذهبن، مسلڪن ۽ فقهن سان تعلق رکڻ وارن ماڻهن جي وڏي اڪثريت موجود آهي.رابطا ڪميٽي چيو ته ملڪ کي موجوده حالتن ۾ مختلف چيلنجن جو سامنو آهي ۽ ملڪ جو عوام پنهنجي اتحاد سان ئي انهن چيلنجن سان نڀري سگهي ٿو. ان جي ڪري تمام ماڻهن کي گهرجي ته تمام تر نظرياتي اختلافن کي پوئتي اڇلائي ڪري پاڪستان جي بقا ۽ سلامتي جي لاءِ هڪ ٿي وڃن ۽ ملڪ دشمنن کي ٻڌائي چڏين ته وطن جي خاطر هڪ هڪ پاڪستاني متحد آهي