ايم ڪيو ايم ۾ ڏوهاري ماڻهن جي ڪائي به گنجائش نه آهي. صدر ايم ڪيو ايم سينٽرل پنجاب عامر بلوچ.

لاهور؛ 10 جولائي 2014

          متحده قومي موومينٽ جي سينٽرل پنجاب جي صدر عامر بلوچ پنهنجي هڪ بيان ۾ چيو آهي ته ايم ڪيو ايم ۾ ڏهاري ماڻهن جي ڪائي به گنجائش نه آهي ۽ ايم ڪيو ايم ان ڳالھ تي يقين رکي ٿي ته ڪوئي به ڏوهاري شخص چاهي ان جو تعلق ڪنهن به سياسي جماعت،ٽولي يا مڪاتب فڪر سان هجي ان کي قانون جي گرفت ۾ وٺي ڪري قانون ۽ آئين جي مطابق سخت کان سخت سزا ڏني وڃي.انهن چيو ته ايم ڪيو ايم هڪ محب وطن سياسي جماعت آهي جيڪا نه صرف وڏو عوامي مينڊيٽ رکي ٿي بلڪه سينيٽ ، قومي ۽ سنڌ اسيمبلي ۾ موثر نمائندگي به رکي ٿي، ايم ڪيو ايم پاڪستان کي خوشحال ۽ ترقي ڪندي ۽ معاشري کي پاڪ ڏسڻ چاهي ٿي. انهن چيو ته ايم ڪيو ايم جو قائد جناب الطاف حسين ۽ رابطا ڪميٽي ڪيترائي ڀيرا پنهنجن بيانن ۾ چيو آهي ته ايم ڪيو ايم ۾ ڪنهن به قسم جي ڏوهاري ماڻهن جي ڪائي به گنجائش نه آهي.