نيوز ويڪ جي تازه شماري جي طلب ۾ تمام گهڻو اضافو.
نيوز ويڪ جي تازه شماري ۾ قائد تحريڪ جناب الطاف حسين جو انٽرويو پڙهڻ جي لاءِ ماڻهو وڏي تعداد ۾ نيوز اسٽالن تي اچي رهيا آهن، دستياب نه ٿيڻ جي ڪري ماڻهن کي مايوسي جو سامنو ڪرڻو پئجي رهيو آهي.ايم ڪيو ايم ڊپٽي ڪنوينر لنڊن نديم نصرت.
شماري جون وڌيڪ ڪاپيون بڪ اسٽالن تي جلد دستياب ٿينديون.نديم نصرت.
لنڊن؛ 10 جولائي 2014
متحده قومي موومينٽ جي رابطا ڪميٽي جي سينيئر ڊپٽي ڪنوينر نديم نصرت انهن تمام ماڻهن سان معذرت ڪئي آهي جيڪي گذريل ٻن ڏينهن کان نيوز ويڪ جو تازو شمارو خريد ڪرڻ جي لاءِ مختلف بڪ اسٽالن جا چڪر لڳائي رهيا آهن پر ميگزين دستياب نه ٿيڻ جي ڪري انهن کي مايوسي جو سامنو ڪرڻو پئجي رهيو آهي.انهن چيو ته اسان کي مسلسل اهي رپورٽون ملي رهيون آهن ته نيوز ويڪ جي تازه شماري ۾ قائد تحريڪ جناب الطاف حسين جو انٽرويو پڙهڻ جي لاءِ عوام وڏي تعداد ۾ نيوز اسٽالن جو رخ ڪري رهيا آهن پر تمام گهڻي طلب هجڻ جي ڪري اهو شمارو پهرين ئي وڪامجي چڪو آهي. انهن چيو ته نيوز ويڪ جي انتظاميه سان اسان جو مسلسل رابطو آهي ۽ اسان انهن کي وڌيڪ ڪاپيون دڪانن تي فراهم ڪرڻ جي درخواست ڪئي آهي. اميد آهي ته جلد ئي ان شماري جون وڌيڪ ڪاپيون بڪ اسٽالن تي دستياب هونديون. انهن عوام کي اپيل ڪئي ته اهي صبر ڪن ۽ پنهنجي ويجهي بڪ اسٽالن سان رابطي ۾ رهن.