ايم ڪيو ايم رابطا ڪميٽي جي طرفان پاڪ فوج سان يڪجهتي جي اظهار جي لاءِ ٿيندڙ جلسي ۾ تمام وڏي تعداد ۾ شرڪت ڪرڻ تي تمام سياسي ، مذهبي، صحافتي ۽ واپاري تنظيمن جي ذميوارن ، سمنڊ پار پاڪستانين ۽ عوام سان تشڪر جو اظهار.

پاڪ فوج سان يڪجهتي جي لاءِ ٿيندڙ جلسي جي بي مثال ڪاميابي جي مثال تاريخ ۾ ڪٿي به نه ٿي ملي.رابطا ڪميٽي.

ڪراچي؛ 8 جولائي 2014

            متحده قومي موومينٽ جي رابطا ڪميٽي ايم ڪيو ايم جي زير اهتمام پاڪ فوج سان يڪجهتي جي اظهار جي لاءِ ٿيندڙ جلسي ۾ تمام وڏي تعداد ۾ شرڪت ڪرڻ تي تمام سياسي ، مذهبي، صحافتي ۽ واپاري تنظيمن ، سمنڊ پار پاڪستانين ۽ عوام جو دل جي گهرائين سان شڪريو ادا ڪيو آهي.پنهنجي هڪ بيان ۾ رابطا ڪميٽي چيو ته رمضان شريف جي مبارڪ مهيني ۾ عوام روزي جي حالت ۾ گرمي جي باوجود لکن جي تعداد ۾ شرڪت ڪري پاڪ فوج سان يڪجهتي جي هڪ عظيم مثال قائم ڪري چڏي آهي ۽ ان جي مثال تاريخ ۾ ڪٿي به نه ٿي ملي. رابطا ڪميٽي چيو ته جناب الطاف حسين جي اپيل تي بزرگن، ٻارڙن، نوجوانن، عورتن ايستائين جو معذورن به روزي جي حالت ۾ وڏي تعداد ۾ شرڪت ڪئي. ان تي ملڪ جي محب وطن عوام کي جيترو به خراج تحسين پيش ڪيو وڃي اهو گهٽ آهي.رابطا ڪميٽي چيو ته ملڪ ۽ ٻاهرين ملڪن ۾ رهندڙ حق پرست عوام ۽ مختلف سياسي جماعتن جي نمائندن ۽ عوام پاڪ فوج سان يڪجهتي جو اظهار ڪري ثابت ڪري چڏيو آهي ته پاڪ فوج جنگ ۾ اڪيلي نه آهي. رابطا ڪميٽي دعا ڪئي ته الله تعالٰي قوم جي ان اتحاد کي هميشه قائم رکي، اسان جي اختلافن کي دور فرمائي ۽ دهشت گردن جي خلاف جاري جنگ ۾ پاڪ فوج کي ڪاميابي عطا فرمائي ته جيئن پاڪستان جي آئنده نسلن جي لاءِ خوشحال ، روشن ۽ پرامن ملڪ بڻائي سگهجي.