ايم ڪيو ايم رمضان شريف جي مبارڪ مهيني ۾ تاريخي جلسو منعقد ڪري سياست ۾ هڪ نئين تاريخ رقم ڪئي آهي. قائد تحريڪ جناب الطاف حسين.

نائن زيرو تي رابطا ڪميٽي،ڪراچي تنظيمي ڪميٽي، سنڌ تنظيمي ڪميٽي، ٻين تنظيمي شعبن ۽ اسيمبلي ميمبرن سان ڳالھ ٻولھ.

لنڊن؛ 7 جولائي 2014

         متحده قومي موومينٽ جي قائد جناب الطاف حسين فرمايو آهي ته ايم ڪيو ايم رمضان شريف جي مبارڪ مهيني ۾ تورڙي وقت ۾ تاريخي ۽ شاندار جلسو منعقد ڪري پاڪستان جي سياست ۾ نئين تاريخ رقم ڪئي آهي.جنهن تي ايم ڪيو ايم جا تمام ڪارڪنَ زبردست شاباش ۽ خراج تحسين جا مستحق آهن.انهن اها ڳالھ ايم ڪيو ايم جي مرڪز نائن زيرو تي رابطا ڪميٽي، ڪراچي تنظيمي

ڪميٽي، سنڌ تنظيمي ڪميٽي ٻين شعبن ۽ اسيمبلي جي ميمبرن سان ڳالھ ٻولھ ڪندي فرمائي.انهن فرمايو ته ڪجھ ماڻهن جو خيال هو ته رمضان شريف ۾ جلسو ڪرڻ ڏاڍو مشڪل بلڪه ناممڪن هوندو پر ايم ڪيو ايم جي جانثار ڪارڪنن ڏينهن رات محنت ڪري ان ناممڪن ڪم کي ممڪن بڻائي ڏيکاري چڏيو. جنهن تي مان ايم ڪيو ايم جي تمام يونٽن ، سيڪٽرن، زونن، رابطا ڪميٽي ، ڪي ٽي سي، سنڌ تنظيمي ڪميٽي، تمام تنظيمي شعبن جي ذميوارن، جلسي جي انتظامن جي لاءِ بڻايل تمام ڪميٽين جي ميمبرن، عورتن، بزرگن ۽ هڪ هڪ ڪارڪن کي دل جي گهرائين سان سلام تحسين پيش ڪريان ٿو. انهن ايتري وڏي جلسي ۾ حاضرين جي لاءِ افطاري جا بهترين انتظام ڪرڻ تي انتظامي ڪميٽين جي ميمبرن کي زبردست خراج تحسين ۽ شاباش پيش ڪئي. انهن فرمايو ته اسان پاڪستان جي محروم ۽ مظلوم ماڻهن جي حقن جي حصول جي لاءِ ۽ انصاف جو نظام قائم ڪرڻ جي لاءِ جدوجهد ڪري رهيا آهيون. الله تعالٰي اسان کي ان جدوجهد ۾ ڪامياب ڪري. جناب الطاف حسين ايم ڪيو ايم جي ويب ٽي وي، سائبر ڊپارٽمينٽ، وڊيو ڪميٽي، فوٽو گرافڪ ڪميٽي، نيوز ڪميٽي، سوشل ميڊيا ۽ شعبه اطلاعات جي تمام ذيلي ڪميٽين جي ميمبرن سان ڳالھ ٻولھ ڪندي انهن کي به جلسي جي سلسلي ۾ انهن جي شاندار خدمتن تي شاباش ۽ خراج تحسين پيش ڪيو. انهن ويب ٽي وي جي ذريعي جلسي جي ڪاروائي پوري دنيا ۾ سنئين سڌي نشر ڪرڻ تي ايم ڪيو ايم جي ويب ٽي وي جي ٽيم کي خصوصي شاباش پيش ڪئي . انهن تمام ميمبرن کي فرمايو ته مان اوهان جي لاءِ دعا ڪريان ٿو ته الله تعالٰي اوهان جي هنر ۽ صلاحيتن ۾ اضافو ڪري ، اوهان کي زندگي ۾ وڌيڪ ترقي ۽ خوشحالي عطا فرمائي ۽ اوهان کي حرص، لالچ ۽ انا پرستي جهڙين بيمارين ۽ هر قسم جي برائين کان پري رکي.آمين.