ملڪ کي دهشت گردن کان نجات ڏيارڻ جي لاءِ ايم ڪيو ايم جون خواتين ڪارڪن به هٿيار بند فوج سان ڪلهو ڪلهي ۾ ملائي ڪري گڏ آهن. قائد تحريڪ جناب الطاف حسين.

لنڊن؛ 2 جولائي 2014

           متحده قومي موومينٽ جي قائد جناب الطاف حسين فرمايو آهي ته دهشت گردن سان نڀرڻ ۽ ملڪ کي دهشت گردن کان نجات ڏيارڻ جي لاءِ ايم ڪيو ايم جا صرف نوجوان ۽ بزرگ ئي نه بلڪه خواتين ڪارڪنَ به فوج سان ڪلهو ڪلهي ۾ ملائي گڏ آهن.انهن اها ڳالھ اڄ ايم ڪيو ايم جي مرڪز نائن زيرو تي ايم ڪيو ايم شعبه خواتين جي مرڪزي ڪميٽي ،ٻين شعبن ۾ تنطيمي خدمتون انجام ڏيڻ وارين عورتن ۽ خواتين اسيمبلي ميمبرياڻين سان ڳالھ ٻولھ ڪندي فرمائي. جناب الطاف حسين فرمايو ته ايم ڪيو ايم جي جدوجهد ۾ عورتن جيڪو ڪردار ادا ڪيو آهي اهو ناقابل فراموش آهي. 19 فيبروري2012 تي ڪراچي جي جناح پارڪ ۾ ايم ڪيو ايم جي زير اهتمام منعقد ٿيندڙ عورتن جي جلسي ۾ عورتن لکن جي تعداد ۾ شرڪت ڪري ان کي دنيا جي تاريخ جو سڀني کان وڏو جلسو بڻائي ڪري هڪ تاريخ

2

رقم ڪئي هئي جنهن جي مثال ملڻ مشڪل آهي. جناب الطاف حسين فرمايو ته ايم ڪيو ايم 6 جولائي تي پاڪ فوج سان يڪجهتي جي اظهارجي  لاءِ ڪراچي جي انهي جناح پارڪ ۾ جلسو منعقد ڪري رهي آهي ۽ انشاء الله تعالٰي ايم ڪيو ايم جون خواتين ڪارڪنَ، امڙيون ۽ ڀينرون 6 جولائي جي ان جلسي ۾ تمام وڏي تعداد ۾ شرڪت ڪري نه صرف ان جلسي کي تاريخي بڻائينديون بلڪه 19 فيبروري جي پنهنجي ان تاريخي جلسي جي ريڪارڊ کي به پاڻ ئي ٽوڙينديون. انهن خواتين ذميوارن کي هدايت فرمائي ته اهي مختلف ڪميٽيون تشڪيل ڏيئي ڪري سڀني علائقن ۾ امڙين ۽ ڀينرن کي پيغام ڏين ۽ ان جلسي جي ڪاميابي کي يقيني بڻائڻ جي لاءِ ڀرپور محنت ڪن. انهن فرمايو ته مان چاهيان ٿو ته اسان پاڪستان جي فوج کي ٻڌايون ته ملڪ کي دهشت گردي کان نجات ڏيارڻ جي لاءِ نه صرف ڪراچي جا نوجوان ۽ بزرگ انهن سان ڪلهو ڪلهي ۾ ملائي گڏ آهن بلڪه امڙيون ۽ ڀينرون به پاڪستان کي بچائڻ ۽ ان کي دهشت گردن کان نجات ڏيارڻ جي لاءِ فوج سان گڏ آهن ۽ ملڪ و قوم کي جڏهن به ضرورت پئي ته اهي پنهنجيون خدمتون پيش ڪرڻ جي لاءِ تيار هونديون. ان موقعي تي شعبه خواتين جي ذميوارن جناب الطاف حسين کي يقين ڏياريو ته امڙيون ۽ ڀينرون اوهان کي مايوس نه ڪنديون ۽ 6 جولائي جي جلسي کي ڪامياب ۽ تاريخي بڻائڻ جي لاءِ ڀرپور محنت ڪنديون ۽ جلسي کي توقع کان وڌي ڪري ڪامياب بڻائينديون.