خدمت خلق فائونڊيشن جي طرفان اتر وزيرستان جي آئي ڊي پيز جي امداد جي لاءِ وڌيڪ ٻه ٽرڪ روانا ڪيا ويا.
ڪراچي؛ 4 جولائي2014
متحده قومي موومينٽ جي قائد جناب الطاف حسين جي هدايت تي خدمت خلق فائونڊيشن جي طرفان اتر وزيرستان کان لڏ پلاڻ ڪندڙ آئي ڊي پيز جي امداد جي لاءِ روز مره جي کاڌي پيتي جي شين اٽو، چانور، سڪل کير، کنڊ، چانهن جي پتي، گيھ ۽ ٻين شين تي مشتمل وڌيڪ ٻه ٽرڪ امدادي سامان جا روانا ڪيا ويا.ڪي ڪي ايف جي مرڪز کان ايم ڪيو ايم جي رابطا ڪميٽي جي ميمبرن ڪهف الورٰي، عادل خان ۽ ٻين اهو امدادي سامان روانا ڪيو. ان موقعي تي رابطا ڪميٽي ڪي ڪي ايف جي رضاڪارن کي جناب الطاف حسين جي طرفان خراج تحسين پيش ڪندي انهن کي جناب الطاف حسين جو پيغام به پهچايو، انهن چيو ته قائد تحريڪ جناب الطاف حسين هميشه محروم ۽ مظلوم ماڻهن جي حقن جي لاءِ جدوجهد ڪئي آهي.ان جي ڪري اسان جو فرض آهي ته اسان جناب الطاف حسين جي تعليمات تي عمل ڪندي مشڪلاتن ۾ ڦاتل پنهنجي هم وطنن جي وڌي چڙهي ڪري مدد ڪريون.