ايم ڪيو ايم جي وفد جي سابق صدر جنرل پرويز مشرف سان ملاقات.
وفد انهن کي پاڪ فوج سان يڪجهتي جي جلسي ۾ شرڪت جي دعوت ڏني.
ڪراچي؛ 4 جولائي 2014
متحده قومي موومينٽ جي رابطا ڪميٽي ۽ حق پرست اسيمبلي ميمبرن تي مشتمل وفد سابق صدر جنرل پرويز مشرف سان ڪراچي ۾ انهن جي رهائشگاھ تي ملاقات ڪئي. ايم ڪيو ايم جي وفد ۾رابطا ڪميٽي ميمبر بابر غوري، ڊاڪٽر صغير احمد، عادل صديقي، گلفراز خان خٽڪ، معاون رابطا ڪميٽي وسيم اختر ۽ بلقيس مختيار به شامل هئي.وفد سابق صدر جنرل پرويز مشرف کي جناب الطاف حسين جي طرفان ايم ڪيو ايم جي تحت 6 جولائي تي پاڪ فوج سان يڪجهتي جي اظهار جي لاءِ ٿيندڙ جلسي ۾ شرڪت جي دعوت ڏني ۽ جناب الطاف حسين جي طرفان انهن جي لاءِ نيڪ خواهشن جو پيغام به پهچايو. وفد پرويز مشرف سان ڳالھ ٻولھ ڪندي چيو ته پاڪستان کي موجوده حالتن ۾ چئني طرفن کان بدترين سازشن جو سامنو آهي ۽ ملڪ جي فوج انهن سازشن جي خلاف وڏي بهادري سان وڙهندي پنهنجي جانين جا نذرانا پيش ڪري رهي آهي ان جي ڪري وقت جو تقاضا آهي ته پوري قوم پاڪ فوج سان ڪلهو ڪلهي ۾ ملائي گڏ بيهي. ملاقات جي موقعي تي جنرل پرويز مشرف ملڪ جي پاڪ فوج سان يڪجهتي جو اظهار ڪرڻ جي لاءِ جناب الطاف حسين جي طرفان اٿاريل مثبت قدمن کي ساراهيو ۽ جلسي جي دعوت ڏيڻ تي جناب الطاف حسين جو شڪريو به ادا ڪيو ۽ جلسي ۾ شرڪت جي خاطري به ڪرائي.