رابطا ڪميٽي جي ميمبرن بابر غوري، ميان عتيق، گلفراز خان خٽڪ، اسلم آفريدي ۽ سينيٽر طاهر مشهدي تي مشتمل ايم ڪيو ايم جي وفدن جو شيخ رشيد، نيئر بخاري، سينيٽر راجه ظفر الحق، سينيٽر پرويز رشيد، سينيٽر مشاهده الله، ڪامران مائيڪل، سينيٽراعتزاز احسن،رضارباني، اسلام الدين شيخ، زاهد خان، حاصل بزنجو ، سينيٽر عباس آفريدي ۽ ٻين رهنمائن سان ملاقاتون ڪري انهن کي ايم ڪيو ايم جي زير اهتمام 6 جولائي تي ٿيندڙ جلسي ۾ شرڪت جي دعوت ڏني.
اسلام آباد؛ 30 جون 2014
متحده قومي موومينٽ جي رابطا ڪميٽي جي ميمبرن بابر غوري، ميان عتيق ۽ سينيٽر طاهر مشهدي عوامي مسلم ليگ جي سربراھ شيخ رشيد، سينيٽ جي چيئرمين نيئربخاري، مسلم ليگ ن جي رهنما سينيٽر راجه ظفر الحق، وفاقي وزير اطلاعات پرويز رشيد، سينيٽر مشاهده الله، وفاقي وزير پورٽ اينڊ شپنگ ڪامران مائيڪل، سينيٽر اعتزاز احسن، سينيٽر رضا رباني، اسلام الدين شيخ، اي اين پي جي زاهد خان، بي اين پي جي حاصل بزنجو، سينيٽر عباس آفريدي ۽ بين سان ملاقاتون ڪيون ۽ انهن کي ايم ڪيو ايم جي زيراهتمام 6 جولائي تي پاڪ فوج سان يڪجهتي جي اظهار جي لاءِ ٿيندڙ جلسي ۾ شرڪت جي دعوت ڏني. ان موقعي تي بابر غوري چيو ته ملڪ جنهن صورتحال کان گذري رهيو آهي اهڙي وقت ۾ تمام سياسي جماعتون هڪ پليٽ فارم تي جمع ٿي ڪري دهشت گردن سان نڀرڻ جي لاءِ فوج جي حوصله افزائي ڪن ۽ ان سان يڪجهتي ڪن.انهن چيو ته ايم ڪيو ايم هميشه فوج جو ساٿ ڏنو آهي. ان کان علاوه رابطا ڪميٽي جي ميمبرن گلفراز خان خٽڪ ۽ اسلم آفريدي اي اين پي سنڌ جي جنرل سيڪريٽري يونس بونيري سان ملاقات ڪئي ۽ انهن کي جلسي ۾ شرڪت جي دعوت ڏني.