جناب الطاف حسين هميشه ڪارڪنن کي خصوصي ماڻهن سان محبت ۽ انهن جي دادرسي جي هدايت ڪئي آهي. ڊاڪٽر خالد مقبول صديقي.
ايم ڪيو ايم جي شعبي برائي خصوصي ماڻهن جي تحت رمضان شريف جي مناسبت سان خصوصي ماڻهن ۾ تحفا ورهايا ويا.
ڪراچي؛30 جون 2014
متحده قومي موومينٽ جي قائد جناب الطاف حسين جي هدايت تي رمضان شريف جي مناسبت سان خصوصي ماڻهن جي شعبي برائي خصوصي ماڻهن جي زير اهتمام نائن زيرو تي خورشيد بيگم سيڪريٽريٽ ۾ معذور ماڻهن ۾ تحفن ورهائڻ جي پروقار تقريب منعقد ڪئي وئي. ان موقعي تي ايم ڪيو ايم رابطا ڪميٽي جو ڊپٽي ڪنوينر ڊاڪٽر خالد مقبول صديقي ، رابطا ڪميٽي ميمبر ڊاڪٽر فاروق ستار،احمد سليم صديقي، آنسه ممتاز، خصوصي ماڻهن جو انچارج عدنان سرور ۽ شعبه خواتين جي انچارج ڪشور زهرٰي به موجود هئي، انهن معذور ماڻهن ۾ سامان به ورهايو. ان موقعي تي اظهار خيال ڪندي ڊاڪٽر خالد مقبول صديقي چيو ته قائد تحريڪ جناب الطاف حسين خصوصي ماڻهن سان هميشه محبت ڪئي آهي ۽ پنهنجن ڪارڪنن کي به خصوصي ماڻهن سان محبت ڪرڻ ۽ انهن جي داد رسي ڪرڻ جي هدايت ڪئي آهي.اها ئي وجه آهي ته اڄ ايم ڪيو ايم جي شعبي برائي خصوصي ماڻهن جي زير اهتمام ان تقريب جو انعقاد ڪيو ويو آهي . تقريب کي خطاب ڪندي شعبه خواتين جي انچارج ڪشور زهرٰي چيو ته اڄ ايم ڪيو ايم جي زير اهتمام خصوصي ماڻهن ۾ راشن ورهايو پيو وڃي انهن چيو ته اهو جناب الطاف حسين جي پنهنجن ڪارڪنن کي تعليمات جو ئي ثمر آهي . انهن افسوس جو اظهار ڪندي چيو ته سڄي دنيا ۾ مذهبي ڏڻڻ جي آمد سان گڏئي شهرين کي سهولتون فراهم ڪيون وڃن ٿيون،پر بدقسمتي سان پاڪستان ۾ رمضان شريف جي آمد سان گڏ ئي شين جي مهانگي ٿيڻ ۾ اضافو ٿي وڃي ٿو جنهن جي ڪري هڪ غريب ۽ وچولي طبقي جو ماڻهو رمضان شريف ۾ سهولتن کان محروم ٿي وڃي ٿو. تقريب سان رابطا ڪميٽي ميمبرن ڊاڪٽر فاروق ستار، احمد سليم صديقي ۽ خصوصي ماڻهن جي شعبي جي انچارج عدنان سرور به اظهار خيال ڪيو