پاڪ فوج سان يڪجهتي جي طور تي منعقد ٿيندڙ ميڙاڪو پاڪستان جي تاريخ جو سڀني کان وڏو ميڙاڪو هوندو.ڊاڪٽر خالد مقبول صديقي.
عورتون، بزرگ،نوجوان ۽ ٻار فوج سان يڪجهتي جو ڀرپور اظهار ڪن. اپيل.
ڪراچي؛ 28 جون 2014
متحده قومي موومينٽ جي رابطا ڪميٽي جي ڊپٽي ڪنوينر ڊاڪٽر خالد مقبول صديقي چيو آهي ته ايم ڪيو ايم جي تحت پاڪ فوج سان يڪجهتي جي اظهار جي طور تي منعقد ٿيندڙ ميڙاڪو هڪ تاريخي هوندو ۽ پاڪستان جي 66 ساله تاريخ ۾ ايترو وڏو ميڙاڪو هوندو جو ڪنهن ڪڏهن به نه ڏٺو هوندو.پنهنجي هڪ بيان ۾ ڊاڪٽر خالد مقبول صديقي چيو ته ملڪ هن وقت انتهائي نازڪ دور کان گذري رهيو آهي ۽ پاڪستان جي سلامتي ۽ بقا کي سخت خطرو لاحق آهي. انهن چيو ته پاڪستان آهي ته سڀ ڪجھ آهي پر جيڪڏهن خدانخواسته پاڪستان ئي نه رهيو ته ڪجھ به نه بچندو. فوج جا آفيسرَ ۽ جوان ملڪ جي سلامتي ۽ بقا جي لاءِ دهشت گردن جي خلاف جنگ وڙهي رهيا آهن ۽ پنهنجين جانين جو نذرانو پيش ڪري رهيا آهن. انهن عورتن، بزرگن، نوجوانن ۽ ٻارن کي اپيل ڪئي ته اهي فوج کي خراج تحسين ۽ سلوٽ پيش ڪرڻ جي لاءِ ايم ڪيو ايم جي تحت ٿيندڙ ميڙاڪي ۾ ڀرپور شرڪت ڪن ۽ ثابت ڪري چڏين ته هن نازڪ وقت ۾ پوري قوم پاڪ فوج سان ڪلهو ڪلهي ۾ ملائي گڏ بيٺي آهي ۽ گڏ بيٺي رهندي.