ڊاڪٽر طاهر القادري جي ايم ڪيو ايم جي قائد جناب الطاف حسين سان فون تي ڳالھ ٻولھ. انهن سانحه 17 جون لاهور جي باري ۾ ٿيندڙ آل پارٽيز ڪانفرنس ۾ شرڪت جي دعوت ڏني.

لنڊن؛ 28 جون 2014

           پاڪستان عوامي تحريڪ جي سربراھ ڊاڪٽر طاهر القادري ايم ڪيو ايم جي قائد جناب الطاف حسين سان فون تي ڳالھ ٻولھ ڪئي ۽ انهن کي 29 جون بروز آچر تي ٿيندڙ آل پارٽيز ڪانفرنس ۾ شرڪت جي دعوت ڏني. ڊاڪٽر طاهر القادري جناب الطاف حسين کي ٻڌايو ته اها آل پارٽيز ڪانفرنس 17 جون تي ٿيندڙ سانحه ماڊل ٽائون لاهور جي باري ۾ ٿي رهي آهي جنهن ۾ ٻين سياسي و مذهبي جماعتن کي به گهرايو ويو آهي. ٻنهي رهنمائن جي وچ ۾ ملڪ جي سياسي صورتحال تي به ڳالھ ٻولھ ٿي ۽ ان ڳالھ تي اتفاق ڪيو ويو ته سانحه 17 جون لاهور جي اعلٰي سطحي تحقيقات ٿيڻ گهرجي ۽ سانحي جي ذميوارن کي سزا ضرور ملڻ گهرجي. جناب الطاف حسين ڊاڪٽر طاهر القادري ۽ انهن جي ساٿين سان سانحه 17 جون تي شهيد ٿيندڙ انهن جي ڪارڪنن ۽ همدردن جي شهادت تي تعزيت ڪئي. ڊاڪٽر طاهر القادري به جناب الطاف حسين سان ايم ڪيو ايم جي ميمبر قومي اسيمبلي محترمه طاهره آصف جي شهادت تي تعزيت ڪئي ۽ انهن جي قاتلن جي گرفتاري جو مطالبو به ڪيو.

****