پاڪ فوج سان يڪجهتي جي اظهار جي لاءِ 6 جولائي بروز آچر تي مزار قائد جناح پارڪ ۾ منعقد ٿيندڙ جلسو پاڪستان جي تاريخ جو سڀني کان وڏو جلسو ثابت ٿيندو.رابطا ڪميٽي ميمبر عامر خان.
لنڊن؛ 29 جون 2014
متحده قومي موومينٽ جي رابطا ڪميٽي جي ميمبر عامر خان چيو آهي ته قائد تحريڪ جناب الطاف حسين جي خصوصي هدايت تي ايم ڪيو ايم جي زير اهتمام پاڪ فوج سان يڪجهتي جي اظهار جي طور تي مزار قائد جناح پارڪ ۾ ٿيندڙ جلسو پاڪستان جي تاريخ جو سڀني کان وڏو جلسو ثابت ٿيندو. جلسي ۾ تمام مذهبن، عقيدن، قومن ۽ زندگي جي تمام شعبن سان تعلق رکڻ وارا ماڻهو شرڪت ڪندا. پنهنجي هڪ بيان ۾ عامر خان چيو ته ملڪ هن وقت اندرين ۽ ٻاهرين سازشن جو شڪار آهي ۽ انتهائي نازڪ دور کان گذري رهيو آهي ، پاڪ فوج ملڪ جي سلامتي جي لاءِ دهشت گردن جي خلاف فيصله ڪن جنگ وڙهي رهي آهي ان ڏکئي وقت ۾ فوج کي يڪجهتي جي سخت ضرورت آهي. ان جي ڪري ايم ڪيو ايم جناب الطاف حسين جي هدايت تي پاڪ فوج سان يڪجهتي جي اظهار جي طور تي ملڪي تاريخ جي سڀني کان وڏي جلسي ڪرڻ جو اعلان ڪيو آهي، جيڪو 6 جولائي بروز آچر تي مزار قائد جناح پارڪ ۾ ٿيندو ، تمام محب وطن پاڪستاني هن جلسي ۾ شرڪت ڪري پاڪ فوج سان ڀرپور يڪجهتي جو اظهار ڪن ۽ ثابت ڪري چڏين ته پوري قوم فوج سان گڏ آهي.