سابق وزير اعظم راجه پرويز اشرف ۽ عوامي مسلم ليگ جي سربراھ شيخ رشيد جو ايم ڪيو ايم جي قائد جناب الطاف حسين سان ٽيليفون تي رابطو.
انهن حق پرست ميمبر قومي اسيمبلي طاهره آصف جي شهادت تي وڏي ڏک ۽ افسوس جو اظهار ڪيو .
لنڊن؛ 20 جون 2014
سابق وزير اعظم راجه پرويز اشرف ۽ عوامي مسلم ليگ جي سربراھ شيخ رشيد احمد ايم ڪيو ايم انٽرنيشنل سيڪريٽريٽ لنڊن فون ڪري ايم ڪيو ايم جي قائد جناب الطاف حسين سان ڳالھ ٻولھ ڪئي ۽ حق پرست ميمبر قومي اسيمبلي محترمه طاهره آصف شهيد جي شهادت تي وڏي ڏک ۽ افسوس جو اظهار ڪيو. انهن جناب الطاف حسين سان ڳالھ ٻولھ ڪندي چيو ته اسان پنهنجي سياسي تاريخ ۾ ڪڏهن به عورتن کي گولين جو نشانو بڻجندي نه ڏٺو آهي. موجوده حڪومت جي دور ۾ طاهره آصف مرحومه ۽ تحريڪ منهاج القرآن جي عورتن جو قتل وڏو ظلم آهي جنهن جي جيتري به مذمت ڪئي وڃي اها گهٽ آهي. انهن چيو ته اسان اوهان ۽ اوهان جي ڪارڪنن جي ڏک ۾ برابر جا شريڪ آهيون.انهن طاهره آصف شهيد جي درجات جي بلندي ۽ سوگوارن جي لاءِ صبر جميل جي لاءِ دعا به ڪئي. جناب الطاف حسين يڪجهتي ۽ تعزيت جو اظهار ڪرڻ تي انهن جو شڪريو ادا ڪندي چيو ته اوهان جو تعزيتي پيغام ۽ همدردي جو اظهار ايم ڪيو ايم جي سوگوار ڪارڪنن جي لاءِ حوصلي جو سبب آهي.