شهيد بيداري پنجاب، حق پرست ميمبر قومي اسيمبلي محترمه طاهره آصف جي مڙس آصف ۽ انهن جي فيملي کي قتل جون ڌمڪيون ملڻ تي ايم ڪيو ايم رابطا ڪميٽي جي طرفان مذمت جو اظهار.
شهيد محترمه طاهره آصف جي مڙس سميت اسيمبلين جي حق پرست ميمبرن کي سيڪيورٽي فراهم ڪئي وڃي.رابطا ڪميٽي جو وفاقي حڪومت کان مطالبو.
ڪراچي؛ 22 جون 2014
متحده قومي موومينٽ جي رابطا ڪميٽي “شهيد بيداري پنجاب” حق پرست ميمبر قومي اسيمبلي محترمه طاهره آصف جي مڙس آصف ۽ انهن جي فيملي کي قتل ڪرڻ جون ڌمڪيون ملڻ جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته شهيد بيداري پنجاب، محترمه طاهره آصف کي به قتل جون ڌمڪيون ملي رهيون هيون پر حڪومت کي بار بار اپيل ڪرڻ جي باوجود ڪوئي به نوٽس نه ورتو ويو ۽ نه ئي انهن کي سيڪيورٽي فراهم ڪئي وئي جنهن جي ڪري محترمه طاهره آصف کي باقائده سڃاڻپ ڪري قتل ڪيو ويو جيڪو هڪ سواليه نشان آهي. انهن وفاقي حڪومت کان مطالبو ڪيو ته پنجاب ۾ وڌندڙ لاقانونيت ۽ قتل و غارتگري جو نوٽس وٺي. شهيد محترمه طاهره آصف جي مڙس آصف سميت ايم ڪيو ايم جي ٻين اسيمبلين ميمبرن کي به ڌمڪيون ملي رهيون آهن ان جي ڪري انهن کي سيڪيورٽي فراهم ڪئي وڃي .