پاڪستان عوامي تحريڪ جي رهنمائن ۽ ڪارڪنن جي وڏي پيماني تي گرفتارين ۽ انهن جي آفيسن تي چاپا هڻڻ حڪومت جو کليل ظلم آهي. قائد تحريڪ جناب الطاف حسين.
پنهنجي رهنما جو استقبال ۽ جلسا ڪرڻ هر جماعت جوآئيني ، قانوني ۽ جمهوري حق آهي. جناب الطاف حسين.
لنڊن؛ 22 جون 2014
متحده قومي موومينٽ جي قائد جناب الطاف حسين اسلام آباد ، راولپنڊي ۽ لاهور سميت سڄي پنجاب ۾ پاڪستان عوامي تحريڪ جي رهنمائن ۽ ڪارڪنن جي وڏي پيماني تي گرفتارين ۽ پاڪستان عوامي تحريڪ جي آفيسن تي چاپن هڻڻ جي سخت ترين لفظن ۾ مذمت ڪئي آهي ۽ ان کي کليل حڪومتي ظلم قرار ڏنو آهي. پنهنجي هڪ بيان ۾ جناب الطاف حسين فرمايو ته هجڻ ته اهو گهرجي ها ته حڪومت سانحه 17 جون ماڊل ٽائون جي ذميوارن کي گرفتار ڪري ها ۽ لاهور ۾ ظلم ڪرڻ وارن کي سزا ڏني وڃي ها پر ان جي بجاءِ پاڪستان عوامي تحريڪ جي رهنمائن ۽ ڪارڪنن جون ئي وڏي پيماني تي گرفتاريون ڪيون پيون وڃن ۽ انهن کي حڪومتي دهشت گردي جو نشانو بڻايو پيو وڃي، جنهن جي جيتري به مذمت ڪئي وڃي اها گهٽ آهي. انهن فرمايو ته هڪ اهڙي وقت ۾ جڏهن ته فوج ملڪ دشمن دهشت گردن جي خلاف آپريشن ڪري رهي آهي ۽ ان جنگ ۾ پنهنجيون جانيون قربان ڪري رهي آهي. اهڙي وقت ۾ ملڪ ۽ قوم کي اتحاد ۽ ڀائيچاري جي ضرورت آهي. پر حڪومت ان نازڪ وقت ۾ به مخالفن کي رياستي طاقت جي ذريعي ڪڇلي رهي آهي جيڪو سمجھ کان ٻاهر آهي. انهن فرمايو ته هڪ رهنما جو استقبال ۽ جلسا هر جماعت جو آئيني ، قانوني ۽ جمهوري حق آهي ۽ ڪنهن به جماعت کي ان حق کان محروم ڪرڻ ۽ طاقت جي ذريعي ان جي آواز کي دٻائڻ نه صرف غيرجمهوري بلڪه آمرانه قدم به آهي. جنهن جي جيتري به مذمت ڪئي وڃي اها گهٽ آهي. انهن فرمايو ته اهو ظلم فوري طور تي بند ڪيو وڃي.پاڪستان عوامي تحريڪ جي رهنمائن ۽ ڪارڪنن کي آزاد ڪيو وڃي ۽ چاپن ۽ گرفتارين جو سلسلو بند ڪيو وڃي ۽ انهن جي رستي ۾ رکاوٽون وجهڻ جو سلسلو به بند ڪيو وڃي.