ايم ڪيو ايم رابطا ڪميٽي جي ميمبر يوسف شاهواڻي جي سربراهي ۾ وفد وزير اعلٰي بلوچستان ڊاڪٽر عبدالمالڪ سان ملاقات ڪئي.وفد نيشنل پارٽي جي مسيح ميمبر صوبائي اسيمبلي هينڊري مسيح جي قتل جي مذمت ڪئي ۽ افسوس جو اظهار ڪيو.
ڪوئيٽا؛ 21 جون 2014
متحده قومي موومينٽ جي وفد رابطا ڪميٽي ميمبر يوسف شاهواڻي جي سربراهي ۾ نيشنل پارٽي جي صدر ۽ وزير اعلٰي بلوچستان ڊاڪٽر عبدالمالڪ بلوچ سان ڪوئيٽا ۾ ملاقات ڪئي ۽ جناب الطاف حسين جي طرفان نيشنل پارٽي سان تعلق رکندڙ مسيح ميمبر صوبائي اسيمبلي هينڊري مسيح جي قتل جي مذمت ڪئي ۽ افسوس جو اظهار ڪيو. ايم ڪيو ايم وفد ۾ بلوچستان ڪميٽي جو انچارج عبدالخالق بلوچ ۽ ميمبرَ،متحده سوشل فورم ميمبر غلام علي شاهاڻي ۽ ڪوئيٽا زون جا ذميوار به شامل هئا.ان موقعي تي وفد ڊاڪٽر عبدالمالڪ کي ايم ڪيو ايم جي قائد جناب الطاف حسين جي طرفان همدردي جو پيغام پهچائيندي چيو ته هينڊري مسيح جو قتل پوري قوم جي لاءِ ڳڻتي جو ڪارڻ آهي. ان موقعي تي وزير اعلٰي بلوچستان به ايم ڪيو ايم جي ميمبر قومي اسيمبلي طاهره آصف جي افسوسناڪ قتل جي مذمت ڪئي ۽ جناب الطاف حسين ۽ ايم ڪيو ايم جي ڪارڪنن سان همدردي جو اظهار ڪيو.