ايم ڪيو ايم جي شهيد ميمبر قومي اسيمبلي محترمه طاهره آصف شهيد جي ٽيجهي جو مرڪزي اجتماع لاهور ۾ منعقد ٿيو.
لاهور؛ 21 جون 2014
متحده قومي موومينٽ جي ميمبر قومي اسيمبلي طاهره آصف شهيد جي ٽيجهي جو مرڪزي اجتماع لاهور ۾ انهن جي رهائشگاھ فيڊرل لاجز متصل گرائونڊ ۾ منعقد ٿيو. جنهن ۾ رابطا ڪميٽي جي ميمبرن عبدالحسيب، عادل صديقي، خالد سلطان ۽ افتخار اڪبر رنڌاوا ، حق پرست اسيمبلي ميمبرن، شهيد جي مڙس محمد آصف، آزاد ڪشمير جي صدر سردار محمد يعقوب، وزير اعظم آزاد ڪشمير چوڌري عبد المجيد، مسلم ليگ ن جي قومي اسيمبلي جي ميمبرن چوڌري شهاب، ملڪ رشيد، پرويز مشرف جي جماعت آل پاڪستان مسلم ليگ جي ترجمان ميجر جنرل (ر) راشد قريشي، پنجاب جي صدر ڊاڪٽر احمد حسين، ايڊيشنل سيشن جج لاهور خالد محمود، لاهور هائي ڪورٽ جي سيڪريٽري جنرل محمد احمد، سابق اسپيڪر قومي اسيمبلي چوڌري امير حسين، سابق ڊائريڪٽر ايف آئي اي چوڌري منظور، سابق ميمبر قومي اسيمبلي انعام الله نيازي ۽ ايم ڪيو ايم پنجاب جي مرڪزي ڪميٽين جي ذميوارن کان علاوه مختلف سماجي ، سياسي ۽ مذهبي تنظيمن جي رهنمائن ۽ ڪارڪنن وڏي تعداد ۾ شرڪت ڪئي ۽ طاهره آصف شهيد جي لاءِ قرآن خواني و فاتحه خواني ڪئي.ٽيجهي ۾ شريڪ شخصيتن محترمه طاهره آصف جي قتل کي وڏو ظلم قرار ڏيندي ان قتل جي سخت ترين لفظن ۾ مذمت ڪئي. ٽيجهي ۾ رابطا ڪميٽي ميمبر عبدالحسيب طاهره آصف شهيد سميت تمام حق پرست شهيدن ۽ پاڪستان جي سلامتي جي لاءِ خصوصي دعا ڪرائي.