حق پرست ميمبر قومي اسيمبلي طاهره آصف تي حملو هڪ ڀيرو ٻيهر پنجاب ۾ قائد تحريڪ جناب الطاف حسين جي حق پرستي جي نظرئي کي دٻائڻ جي سازش آهي. ايم ڪيو ايم جي رابطا ڪميٽي جو ڊپٽي ڪنوينر ڊاڪٽر خالد مقبول صديقي.

لاهور؛19 جون 2014

           متحده قومي موومينٽ جي رابطا ڪميٽي جي ڊپٽي ڪنوينر ڊاڪٽر خالد مقبول صديقي چيو آهي ته باطل قوتون هڪ ڀيرو ٻيهر پنجاب ۾ ايم ڪيو ايم جي مقبوليت ۽ حق پرستي جي وڌندڙ پيغام کان خوفزده ٿي ويون آهن. ڏينهن ڏٺي جو ايم ڪيو ايم جي عورت ميمبر قومي اسيمبلي طاهره آصف تي دهشت گردن جي فائرنگ پنجاب ۾ قائد تحريڪ جناب الطاف حسين جي حق پرستي جي نظرئي کي دٻائڻ ۽ ايم ڪيو ايم جي ڪارڪنن کي خوف زده ڪرڻ جي سازش جو حصو آهي. انهن خيالن جو اظهار انهن لاهور جي شيخ زيد اسپتال ۾ ميمبر قومي اسيمبلي طاهره آصف جي عيادت ڪرڻ کان پوءِ ميڊيا جي نمائندن کي پريس بريفنگ ڏيندي ڪيو. ان موقعي تي محترمه طاهره آصف جو مڙس محمد آصف، رابطا ڪميٽي ميمبرَ افتخار اڪبر رنڌاوا، خالد سلطان ۽ ٻين ذميوارن کان علاوه ڪارڪنن جي به وڏي تعداد موجود هئي.ڊاڪٽر خالد مقبول صديقي چيو ته طاهره آصف کي گذريل ڪيترن ئي ڏينهن کان ڌمڪيون ملي رهيون هيون جنهن جي باري ۾ انهن حڪومت کي آگاھ ڪيو هو پر ڪي به قدمَ نه کنيا ويا، بحيثيت ميمبر قومي اسيمبلي اهو انهن جو حق هو ته حڪومت انهن کي سيڪيورٽي فراهم ڪري ها.انهن مختلف حلقن جي طرفان ان افسوسناڪ واقعي کي ڌاڙي يا چوري جي واردات قرار ڏيڻ جي سخت ترين لفظن ۾ مذمت ڪندي چيو ته فائرنگ جي وقت طاهره آصف سان گڏ انهن جي نياڻي به هئي ۽ دهشت گردن انهن جي سڃاڻپ ڪري انهن تي  فائرنگ ڪئي پر انهن کان يا انهن جي نياڻي کان ڪوئي به موبائيل، زيور يا ٻي ڪا به روڪ رقم ڇڻڻ جي ڪوشش نه ڪئي ، جنهن مان صاف ظاهر آهي ته دهشت گردن جو نشانو صرف محترمه طاهره آصف ئي هئي.ڊاڪٽر خالد مقبول صديقي سڄي ملڪ جي عوام کي دردمندانه اپيل ڪئي ته اهي محترمه طاهره آصف جي جلد ومڪمل صحت يابي جي لاءِ دعائون ڪن. ان موقعي تي انهن پنجاب حڪومت کان مطالبو ڪيو ته اها طاهره آصف تي فائرنگ ڪرڻ جي ان افسوسناڪ واقعي ۾ ملوث وحشي دهشت گردن کي گرفتار ڪري ۽ انهن کي قانون جي مطابق سخت سزا ڏي.