پنجاب حڪومت جي طرفان منهاج القرآن سيڪريٽريٽ ۽ ڊاڪٽر طاهر القادري جي رهائشگاھ جو گهيراءُ ڪرڻ تي ايم ڪيو ايم جي قائد جناب الطاف حسين جي طرفان مذمت جو اظهار.
طاهر القادري جي رهائشگاھ جو گهيراءُ ختم ڪيو وڃي.جناب الطاف حسين.
لنڊن؛ 17 جون 2014
متحده قومي موومينٽ جي قائد جناب الطاف حسين پنجاب حڪومت جي طرفان منهاج القرآن جي سربراھ ڊاڪٽر طاهرالقادري جي رهائشگاھ ۽ سيڪريٽريٽ جو گهيراءُ ڪرڻ ۽ ان جي آس پاس لڳل حفاظتي بيريئر هٽائڻ، انهن جي ڪارڪنن تي تشدد ڪرڻ ۽ شيلنگ ڪرڻ جي سخت ترين لفظن ۾ مذمت ڪئي آهي.پنهنجي هڪ بيان ۾ جناب الطاف حسين فرمايو ته ملڪ ۾ هن وقت دهشت گردن جي خلاف آپريشن جاري آهي، اهڙي ۾ جتي اتحاد ۽ ڀائيچاري جي ضرورت آهي ۽ تمام سياسي و مذهبي جماعتن کي ساڻ وٺي ڪري هلڻ جي سخت ضرورت آهي، اهڙي صورت ۾ تحريڪ منهاج القرآن جي سيڪريٽريٽ جو گهيراءُ ڪرڻ ۽ هتي لڳل حفاظتي بيريئرهٽائڻ جي ڪاروائي غير دانشمندانه آهي. انهن فرمايو ته اهو قدم ڊاڪٽر طاهر القادري جي ڪارڪنن جا جذبات ڀڙڪائڻ جي مترادف آهي. لحاظه پنجاب حڪومت کي گهرجي ته اها تحريڪ منهاج القرآن جي خلاف اهڙي طرح جون ڪاروائيون ڪرڻ جي بجاءِ پنهنجيون تمام تر توانائيون ملڪ دشمن دهشت گردن جي خلاف صرف ڪري.انهن حڪومت کان مطالبو ڪيو ته ڊاڪٽر طاهر القادري جي رهائشگاھ ۽ منهاج القرآن سيڪريٽريٽ جي آس پاس لڳل حفاظتي بيرئير هٽائڻ جي ڪاروائي بند ڪئي وڃي.