جناب الطاف حسين جي طرفان گڏاڻي جي سامونڊي پٽي تي مهاڻڻ جي ٻڏي ڪري فوت ٿيڻ جي واقعي تي افسوس جو اظهار.
سامونڊي پٽي جا ماڻهو خصوصن مهاڻا احتياط سان ڪم وٺن ۽ اونهي سمنڊ ۾ وڃڻ کان پاسو ڪن .جناب الطاف حسين جي عوام کي اپيل.
لنڊن؛ 16 جون 2014
متحده قومي موومينٽ جي قائد جناب الطاف حسين گڏاڻي جي سامونڊي پٽي تي مهاڻڻ جي ٻڏي ڪري فوت ٿيڻ جي واقعي تي وڏي ڏک ۽ افسوس جو اظهار ڪندي فرمايو آهي ته ملڪ ۾ سمنڊ جي سطح بلند آهي جنهن جي ڪري ڪيترن ئي ساحلي هنڌن تي ٻوڏ جا خطرا موجود آهن. قائد تحريڪ جناب الطاف حسين هلاڪ ٿيندڙ مهاڻڻ جي بلند درجات جي لاءِ دعا ڪندي سامونڊي پٽي وارن علائقن ۾ عوام خصوصن مهاڻڻ کي اپيل ڪئي ته اهي احتياط کان ڪم وٺندي اونهي سمنڊ ۾ وڃڻ کان پاسو ڪن ۽ پنهنجي گهر وارن، مٽن مائٽن ۽ دوستن کي به موسم جي خراب صورتحال کان آگاھ ڪن ته جيئن جان و مال کي نقصان کان بچائي سگهجي.انهن صوبائي ۽ وفاقي حڪومتن ۽ لاڳاپيل ادارن جي وزيرن ۽ انتظاميه کان به مطالبو ڪيو ته اهي سامونڊي علائقن تي خصوصي انتطام ڪن ۽ عوام خصوصن مهاڻڻ کي سمنڊ جي صورتحال جي باري ۾ ڄاڻ فراهم ڪن ۽ عوام جي جان و مال جي تحفظ کي يقيني بڻايو وڃي.
*****