دهشت گردي جي روڪٿام جي لاءِ عوام پنهنجي مدد پاڻ جي تحت هر هڪ گهٽي ۽ پاڙي ۾ چوڪيداري نظام قائم ڪن. ايم ڪيو ايم رابطا ڪميٽي جي اپيل.
عوام مشڪوڪ ماڻهن ، مشڪوڪ شين ۽ ٻين مشڪوڪ سرگرمين تي نظر رکن ۽ ڪنهن به مشڪوڪ ماڻهو يا شي جي اطلاع فوري طور تي پوليس يا ٻين سيڪيورٽي ادارن کي ڏين.
وزيرستان کان لڏپلاڻ ڪندڙن جي سخت چيڪنگ ۽ اسڪيننگ ڪئي وڃي ته جيئن لڏپلاڻ ڪندڙن جي آڙ ۾ دهشت گردن جي اچ وڃ کي روڪي سگهجي.رابطا ڪميٽي.
ڪراچي؛23 مئي 2014
متحده قومي موومينٽ جي رابطا ڪميٽي عوام ۽ ڪارڪنن کي اپيل ڪئي آهي ته اهي دهشت گردي جي وڌندڙ واقعن جي روڪٿام جي لاءِ پنهنجي مدد پاڻ جي تحت هر هڪ گهٽي ۽ پاڙي ۾ چوڪيداري نظام قائم ڪن ۽ ويجلينس ڪميٽيون تشڪيل ڏيئي ڪري عوام جي جان و مال جي تحفظ جي لاءِ قومي فرض انجام ڏين. پنهنجي هڪ بيان ۾ رابطا ڪميٽي چيو ته پاڪستان هن وقت اندرين ۽ ٻاهرين خطرن ۾ وڪوڙيل آهي ۽ وڏي نازڪ دور کان گذري رهيو آهي ، فوج شمالي وزيرستان ۾ انتها پسند دهشت گردن سان نڀرڻ جي لاءِ جاني قربانيون ڏيئي رهي آهي ، دهشت گردن جي خلاف ڪاروائي جي ڪري دهشت گردن جي طرفان دهشت گردي جي ڪاروائين جا خطرا وڌي ويا آهن.
انهن حالتن ۾ قوم جي هڪ هڪ ماڻهو تي لازم آهي ته اهي پنهنجي ذميواري کي محسوس ڪندي دهشت گردي جي خاتمي جي لاءِ پوليس، رينجر ۽ سيڪيورٽي فورسز سان ڀرپور تعاون ڪن ۽ ملڪ و قوم جي سلامتي جي لاءِ پنهنجو ڪردار ادا ڪن.رابطا ڪميٽي عوام کي پرزور اپيل ڪئي ته اهي دهشت گردي جي روڪٿام جي لاءِ پنهنجن پنهنجن علائقن ۾ بزرگن ۽ نوجوانن تي ٻڌل محله ڪميٽيون بڻائين، مشڪوڪ ماڻهن ۽ مشڪوڪ شين تي ڪڙي نظر رکن ، پوليس ۽ رينجر سميت ٻين سيڪيورٽي ادارن جا ايمرجنسي فون نمبرَ پاڻ وٽ رکن ۽ ڪنهن به مشڪوڪ ماڻهو يا سرگرمي جي اطلاع فوري طور تي پوليس يا ٻين سيڪيورٽي ادارن کي ڏين، رابطا ڪميٽي حڪومت ۽ قانون نافذ ڪرڻ وارن ادارن کان مطالبو ڪيو ته اهي وزيرستان کان لڏ پلاڻ ڪندڙن جي سخت چيڪنگ ۽ اسڪيننگ ڪن ته جيئن لڏ پلاڻ ڪندڙن جي آڙ ۾ دهشت گردن جي اچ وڃ کي روڪي سگهجي.