ڪاروائين جي ذريعي سيڪيورٽي ادارن ۽ پاڪستاني عوام جي حوصلن کي ڪمزور ڪرڻ چاهين ٿا .
عوام ماضي وانگر فوج سان ڪلهو ڪلهي ۾ ملائي گڏ بيٺا آهن . جناب الطاف حسين.
لنڊن؛ 21 مئي 2014
متحده قومي موومينٽ جي قائد جناب الطاف حسين ڪراچي جي علائقي ناظم آباد ۾ واقع رينجر هيڊڪوارٽر جي ويجهو بم ڌماڪي جي سخت ترين لفظن ۾ مذمت ڪئي آهي. پنهنجي هڪ بيان ۾ جناب الطاف حسين فرمايو ته دهشت گردن هڪ ڀيرو ٻيهر پنهنجين ڪاروائين جو سلسلو تيز ڪري چڏيو آهي،جيڪي ملڪ جي محافظن کي ڏينهن ڏٺي جو نشانو بڻائي ڪري سيڪيورٽي ادارن ۽ پاڪستاني عوام جي حوصلن کي ڪمزور ڪرڻ چاهين ٿا، پر پاڪستاني عوام ماضي ۾ به پنهنجي ملڪ جي محافظن سان گڏ هئا ۽ اڄ به اهي فوج سان ڪلهو ڪلهي ۾ ملائي گڏ بيٺا آهن . انهن ڌماڪي جي نتيجي ۾ زخمي ٿيندڙ ماڻهن جي جلد و مڪمل صحتيابي جي لاءِ دعا به فرمائي، قائد تحريڪ جناب الطاف حسين وزير اعظم ميان محمد نواز شريف، وفاقي وزير داخله چوڌري نثار علي خان ۽ وزير اعلٰي سنڌ سيد قائم علي شاھ کان مطالبو ڪيو ته اهي ڌماڪي ۾ ملوث دهشتگردن جي خلاف فيصله ڪن ڪاروائي جا حڪمَ جاري ڪن . جناب الطاف حسين سڄي ملڪ جي عوام کي اپيل ڪئي ته اهي دهشت گردي جي ڪاروائين کان خوف زده نه ٿين ۽ ملڪ کي ڪمزور ڪرڻ جي تمام سازشن کي ناڪام بڻائي چڏين.
*****