دهشت گردي جي واقعن جي روڪٿام جي لاءِ عوام پنهنجي مدد پاڻ جي تحت حفاظتي انتظامن جي لاءِ علائقن ۾ چوڪيداري نظام قائم ڪن.جناب الطاف حسين.

لنڊن؛21 مئي 2014 

           متحده قومي موومينٽ جي قائد جناب الطاف حسين عوام ۽ ڪارڪنن کي اپيل ڪئي آهي ته اهي دهشت گردي جي وڌندڙ واقعن جي روڪٿام جي لاءِ پنهنجي مدد پاڻ جي تحت پنهنجن علائقن ۾ چوڪيداري نظام قائم ڪن ۽ چورن ڌاڙيلن ،خودڪش حملو ڪندڙن ، تخريب ڪارن ۽ دهشت گردي جي ڪنهن به قسم جي ڪاروائي کان بچڻ جي لاءِ فوري طور تي ويجلينس ڪميٽيون تشڪيل ڏين،پنهنجي هڪ بيان ۾ قائد تحريڪ جناب الطاف حسين فرمايو ته ملڪ ۽ امن دشمن دهشت گردَ ملڪ خصوصن سنڌ جي شهري علائقن ۾ دهشت گردي جي ذريعي خوف جي فضا قائم ڪرڻ جي مذموم مقصدن جي تحت ، بم ڌماڪا ، قتل و غارتگري ۽ دهشت گردي جون ٻيون سنگين وارداتون ڪري رهيا آهن ۽ سيڪيورٽي اهلڪارن ۽ معصوم شهرين کي رت ۾ وينجھاري رهيا آهن . انهن فرمايو ته دهشت گردي جي ان چيلنج کان نڀرڻ جي لاءِ عوام به پوليس ۽ سيڪيورٽي ادارن سان ڀرپور تعاون ڪن.جناب الطاف حسين عوام کي اپيل ڪئي ته اهي دهشت گردي جي واقعن جي روڪٿام جي لاءِ احتياطي تدبيرون اختيار ڪندي پنهنجن پنهنجن علائقن ۾ بزرگن ۽ نوجوانن تي مشتمل محله ڪميٽيون بڻائين، ڏينهن رات ڊيوٽي جا فرضَ انجام ڏين ۽ ڪنهن به مشڪوڪ شي يا علائقي ۾ اچڻ وڃڻ وارن ماڻهن تي ڪڙي نظر رکن ۽ ان جي اطلاح فوري طور تي مقامي پوليس يا ٻين سيڪيورٽي ادارن کي ڏين.انهن فرمايو ته محله ڪميٽيون پاڻ وٽ پوليس ۽ رينجرسميت ٻين سيڪيورٽي ادارن جا ايمرجنسي فون نمبر به لازمي رکن ته جيئن ڪنهن به اڻ وڻندڙ واقعي ، مشڪوڪ بيگ يا مشڪوڪ ماڻهن جي موجودگي جي باري ۾ فوري طور تي قانون نافذ ڪرڻ وارن ادارن کي آگاه ڪري سگهجي.

*****