ايم ڪيو ايم جي ڪنوينر نديم نصرت جي طرفان سانحه ڪوئيٽا جي حوالي سان جرتمندانه خيالن جو اظهار ڪرڻ تي محمود خان اچڪزئي، مولانا فضل الرحمٰن، مولانا اختر شيراني، غلام احمد بلور ۽ ميان افتخار حسين کي زبردست خراج تحسين پيش
وفاقي حڪومت، اسٽيبلشمينٽ، فوجي قيادت ۽ پيمرا مان جيڪڏهن ڪنهن ۾ همت آهي ته اها محمود خان اچڪزئي جي تقرير، تصوير ۽ آواز تي پابندي لڳائي ڏيکاري. نديم نصرت
لنڊن: 10 آگسٽ 2016
متحده قومي موومينٽ جي رابطا ڪميٽي جي ڪنوينر نديم نصرت سانحه ڪوئيٽا جي حوالي سان جرتمندانه خيالن جو اظهار ڪرڻ تي پختونخواھ ملي عوامي پارٽي جي سربراھ محمود خان اچڪزئي، جي يو آئي جي سربراھ مولانا فضل الرحمٰن ۽ مولانا اختر شيراني، اي اين پي جي اڳواڻن غلام احمد بلور ۽ ميان افتخار حسين کي زبردست خراج تحسين پيش ڪيو آهي. پنهنجي هڪ بيان ۾ نديم نصرت چيو ته انهن اڳواڻڻ جن خيالن جو اظهار ڪيو آهي اهي اونڌھ ۾ روشني وانگر آهن ۽ عوام جي دلين جي آواز به آهن. انهن وڌيڪ چيو ته عوام پنهنجن اڳواڻڻ مان اها ئي توقع رکي ٿو ته اهي نازڪ وقت ۾ قوم جي صحيح رهنمائي ڪن ۽ تمام تر نتيجن جي پرواھ ڪرڻ کان سواءِ ئي حق ۽ سچ جي ڳالھھ ڪن. انهن چيو ته حق ۽ سچ بيان ڪرڻ تي قائد تحريڪ جناب الطاف حسين جي تقريرن، بيانن ايستائين جو انهن جي تصويرن تي به پابندي عائد ڪئي وئي آهي.پر محمود خان اچڪزئي اڄ قومي اسيمبلي ۾ پنهنجي تقرير جي دوران اسٽيبلشمينٽ ۽ سرڪاري ايجنسين جي ڪردار جي باري ۾ جنهن جرت ۽ بهادري سان پنهنجن خيالن جو اظهار ڪيو آهي ان تي وفاقي حڪومت، اسٽيبلشمينٽ، فوج، فوجي قيادت ۽ پيمرا مان جيڪڏهن ڪنهن ۾ همت آهي ته اها محمود خان اچڪزئي جي تقرير، تصوير ۽ آواز تي پابندي لڳائي ڏيکاري.