حق پرست مڪاني اميدوارن جي طرفان حلف کڻڻ کان پوءِ رابطا ڪميٽي جي ڊپٽي ڪنوينر شاهد پاشا ۽ رابطا ڪميٽي جي ميمبرن سان گڏجي جناح گرائونڊ ۾ يادگار شهداء حق ۽ ياسين آباد ۾ شهيدن جي قبرن تي حاضري
ڪراچي: 3 آگسٽ 2016
حق پرست مڪاني اميدوارَ حلف کڻڻ کان پوءِ وڏي جلوس جي شڪل ۾ نائن زيرو پهتا. جتي ايم ڪيو ايم رابطا ڪميٽي انهن جو خير مقدم ڪيو ۽ انهن کي قائد تحريڪ جناب الطاف حسين جي طرفان دلي مبارڪباد به پيش ڪئي. ان کان پوءِ انهن رابطا ڪميٽي جي ڊپٽي ڪنوينر شاهد پاشا ۽ رابطا ڪميٽي جي ميمبرن سان گڏجي يادگار شهداء حق ۽ ياسين آباد جي شهداء قبرستان ۾ قائد تحريڪ جناب الطاف حسين جي وڏي ڀاءُ ناصر حسين شهيد، ڀائيٽي عارف حسين شهيد ۽ حق پرست شهيدن جي قبرن تي حاضري ڏني ۽ گلن جون چادرون به چڙهايون. ان موقعي تي انهن حق پرست شهيدن جي بلند درجات، انهن جي پونئرن جي لاءِ صبر جميل، اسير ڪارڪنن جي جلد رهائي، لاپتا ڪارڪنن جي حفاظت سان بازيابي، ايم ڪيو ايم جي خلاف سازشن جي خاتمي ۽ قائد تحريڪ جناب الطاف حسين جي وڏي عمر ۽ صحت و سلامتي جي لاءِ دعائون به ڪيون ويون. ان کان پوءِ رابطا ڪميٽي انهن سان ڳالھھ ٻولھھ ڪندي چيو ته حلف کڻڻ کان پوءِ انهن تي وڏي ذميواري عائد ٿي وئي آهي . انهن مڪاني نمائندن کي تلقين ڪئي ته اهي قائد تحريڪ جناب الطاف حسين جي تعليمات جي مطابق عوام جي سچائي سان خدمت ڪن.
*****