مون کي تحفظ فراهم ڪيو وڃي، ساده لباس ۾ ملبوس اهلڪار مون کي جان سان مارڻ جون ڌمڪيون ڏيئي رهيا آهن. نورين آصف جي اپيل

ڪراچي: 30 جولائي 2016 

ايم ڪيو ايم شعبه اطلاعات جي ميمبر وقاص علي شاھ جي مبينه قتل جي الزام ۾ رينجر جي طرفان گرفتار ڪيل ايم ڪيو ايم جي ڪارڪن آصف جي گهر واري آصف نورين چيو آهي ته ساده لباس ۾ ملبوس اهلڪار مون کي جان سان مارڻ جون ڌمڪيون ڏيئي رهيا آهن ان جي ڪري مون کي تحفظ فراهم ڪيو وڃي. انهن خيالن جو اظهار انهن ڪراچي پريس ڪلب ۾ پنهنجي وڪيل لطيف صلاح الدين سان گڏجي پريس ڪانفرنس ڪندي ڪيو.آصف نورين پنهنجي مڙس جي مٿان وقار شاھ جي قتل جي الزام جي سختي سان ترديد ڪندي چيو ته آصف جو وقار شاھ جي قتل سان ڪوئي به تعلق نه آهي. انهن چيو ته نائن زيرو تي 11 مارچ تي ڇاپو پيو ته مان به پنهنجي مڙس سان گڏ موجود هيم ، رينجر جي اهلڪار وقار علي شاھ تي گولي هلائي  جيڪا منهنجي مڙس کي ڇهندي وقار علي شاھ کي لڳي. انهن ٻڌايو ته 9 مئي تي آصف کي ساده لباس ۾ ملبوس اهلڪار پاڻ سان گڏ وٺي ويا ۽ 25 جون تي مون کي معلوم ٿيو ته آصف کي وقاص علي شاھ جي قتل ۾ گرفتار ڪيو ويو آهي. انهن وڌيڪ چيو ته مون کي ڌمڪيون ڏنيون پيون وڃن ته آصف ڪيس تان هٿ کڻي وڃو نه ته اوهان کي جان سان ماريو ويندو. انهن چيو ته ڪالھھ رات هڪ ٻٽ ٻڌل ماڻهو منهنجي گهر آيو ۽  مون کي چيو ته آصف کي ماريو ويو آهي ۽ انهن جي لاش ايڌي سرد خاني کان وڃي وٺو. انهن چيو ته منهنجي جان کي سخت خطرو آهي ان جي ڪري منهنجي سنڌ حڪومت، ڊي جي رينجر ۽ آئي جي سنڌ کي اپيل آهي اهي مون کي تحفظ فراهم ڪن.