پنجاب ۾ ٻارن جي اغوا جي وڌندڙ وارداتن تي ايم ڪيو ايم رابطا ڪميٽي جي طرفان مذمت جو اظهار
ڪراچي: 28 جولائي 2016
ايم ڪيو ايم جي رابطا ڪميٽي پنجاب ۾ ٻارن جي اغوا جي وڌندڙ وارداتن تي وڏي ڳڻتي جو اظهار ڪندي ان جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته پنجاب ۾ ٻارن جي اغوا جي وڌندڙ وارداتن تي سپريم ڪورٽ به پاڻ مرادو نوٽس ورتو پر ان جي باوجود پنجاب جي حڪومت ٻارن جي اغوا جي لڳاتار وارداتن تي نه صرف خاموش تماشائي بڻيل آهي پر انهن وارداتن جي روڪٿام جي لاءِ به ڪي قدم نه کڻي رهي آهي. جنهن جي جيتري به مذمت ڪئي وڃي اها گهٽ آهي. رابطا ڪميٽي چيو ته پنجاب ۾ گذريل ستن مهينن ۾ 768 ٻارن کي اغوا ڪيو ويو آهي ، جڏهن ته ٻارن جي والدين جي طرفان جڏهن ٿاڻڻ سان رجوع ڪيو وڃي ٿو ته ٻارن جي اغوا جا ڪيس به داخل نه ٿا ڪيا وڃن. رابطا ڪميٽي چيو ته گذريل ستن مهينن ۾ سوين ٻارن جي اغوا جي وارداتن مان ثابت آهي ته پنجاب ڏوهن جو ڳڙھ بڻجي چڪو آهي جنهن تي پنجاب حڪومت ۽ پوليس کي شرم اچڻ گهرجي ۽ پنجاب ۾ به رينجر جي آپريشن جو مطالبو تسليم ڪندي عوام ۽ ٻارن جي زندگين کي تحفظ فراهم ڪيو وڃي. رابطا ڪميٽي ٻارن جي والدين سان دلي همدردي جو اظهار به ڪيو ۽ ٻارن جي جلد بازيابي جي لاءِ دعا به ڪئي. ان کان علاوه رابطا ڪميٽي وزير اعظم ميان نواز شريف، آرمي چيف جنرل راحيل شريف ۽ وزير اعلٰي پنجاب ميان شهباز شريف کان مطالبو ڪيو ته اهي پنجاب ۾ ٻارن جي اغوا جي معاملي جو سختي سان نوٽس وٺن ۽ ٻارن کي فوري طور تي بازياب ڪرائين.